ବାରଙ୍ଗ,୧୫ା୫(ଡି.ଏନ୍.ଏ.): ଦେଢ଼ବର୍ଷ ପୂର୍ବେ ପୋତାଯାଇଥିବା ଏକ ପୋଖରିକୁ ରବିବାର ତହସିଲ ପକ୍ଷରୁ ପୁଣିଥରେ ଖୋଳାଯାଇଛି। ବାରଙ୍ଗ ତହସିଲ ଅନ୍ତର୍ଗତ ପାଟପୁରଛକ ନିକଟରେ ରହିଥିବା ଗଁା ପୋଖରୀକୁ ଗ୍ରାମବାସୀ ଦୈନନ୍ଦିନ କାର୍ଯ୍ୟ ନିମନ୍ତେ ବ୍ୟବହାର କରିଥାନ୍ତି। ଦୁଇଟି ପ୍ଲଟ୍କୁ ନେଇ ନିର୍ମିିତ ପୋଖରିର ଗୋଟିଏ ପ୍ଲଟ୍କୁ ଜଣେ ମହିଳା କିଣିଥିଲେ। ଉଭୟ ପ୍ଲଟ୍ର କିସମ ଜଳାଶୟ ରହିଥିବା ବେଳେ କିଣିଥିବା ମହିଳା ରାତାରାତି ଦୁଇଟି ପ୍ଲଟ୍କୁ ମୋରମ ଓ ବାଲି ଦ୍ୱାରା ପୋତି ଦେଇଥିଲେ। ସକାଳେ ଏହା ଜଣାପଡ଼ିବା ପରେ ୨୦୨୧ ଜୁନ୍ ୮ରେ ପାଟପୁର ଗ୍ରାମରେ ଉତ୍ତେଜନା ଦେଖାଦେଇଥିଲା। ଖବରପାଇ ବାରଙ୍ଗ ତହସିଲ କର୍ମଚାରୀ ଓ ରାଜସ୍ବ ନିରୀକ୍ଷକ ଏବଂ ବାରଙ୍ଗ ପୋଲିସ ପହଞ୍ଚି ଉତ୍ତ୍ୟକ୍ତ ଗ୍ରାମବାସୀଙ୍କୁ ବୁଝାଶୁଝା କରି ଫେରିଥିଲେ। ପୋତାଯାଇଥିବା ପୋଖରୀକୁ ଗ୍ରାମବାସୀଙ୍କ ବ୍ୟବହାର ପାଇଁ ରବିବାର ତହସିଲ ପକ୍ଷରୁ ଖୋଳାଯାଉଛି, ଯାହାକୁ ନେଇ ପାଟପୁର ଗଁାରେ ଖୁସିର ବାତାବରଣ ସୃଷ୍ଟି ହୋଇଛି।