ଅଭିଯୋଗ ପରେ ପ୍ରଶାସନ ତତ୍ପର: ମନଇଚ୍ଛା ଚାଲିବନି ଟିକେଟ୍‌ ଅସୁଲ

ମଥୁରାନଗରୀ,୯।୧(ପ୍ରେମାନନ୍ଦ ଖମାରୀ):ବରଗଡରେ ବୃହତ୍‌ ମୁକ୍ତାକାଶ ରଙ୍ଗମଞ୍ଚ ଧନୁଯାତ୍ରା ମହୋତ୍ସବ ଚାଲିଛି। ଏହି ପରିପ୍ରେକ୍ଷୀରେ ସ୍ଥାନୀୟ ଜର୍ଜ ହାଇସ୍କୁଲ ପଡ଼ିଆରେ ମୀନାବଜାର ଲାଗିଛି। ପଡ଼ିଆର ନିର୍ଦ୍ଧାରିତ ଅଂଶକୁ ଟେଣ୍ଡରରେ ମୀନାବଜାର, ଝୁଲା, ଟ୍ରେଡ୍‌ ଫେୟାର, ଫୁଡ୍‌ ଫେଷ୍ଟ୍‌ ସମେତ ବିଭିନ୍ନ ଛୋଟ ଦୋକାନ ପାଇଁ ଆବଣ୍ଟନ କରାଯାଇଛି। କିନ୍ତୁ ପଡ଼ିଆର କେନ୍ଦ୍ର ଭାଗରେ ରହିଥିବା ସରକାରୀ ସେବାକେନ୍ଦ୍ର, ସେଲ୍ଫି ପଏଣ୍ଟ, କଳାକୁଞ୍ଜ ପାଇଁ ଉଦ୍ଦିଷ୍ଟ କିଛିଅଂଶକୁ ବିନା ଟେଣ୍ଡରରେ ଅନ୍ୟ ଜଣଙ୍କୁ ଆବଣ୍ଟନ କରାଯିବା ଘଟଣାକୁ ନେଇ ସହରରେ ଚର୍ଚ୍ଚା ଜୋର୍‌ ଧରିଥିଲା। ଏଭଳି ଅଭିଯୋଗ ହେବା ପରେ ମଙ୍ଗଳବାର ସ୍ଥାନୀୟ ସଚେତନ ନାଗରିକ ମଞ୍ଚ ବରଗଡ଼ ଉପଜିଲାପଳ ପ୍ରସନ୍ନ କୁମାର ପାଣ୍ଡେଙ୍କୁ ଫେରାଦ ହୋଇଥିଲା।
ଏହି କ୍ରମରେ ବୁଧବାର ଉପଜିଲାପାଳଙ୍କ ସମ୍ମିଳନୀ କକ୍ଷରେ ଉପଜିଲାପାଳ ଏବଂ ସଚେତନ ନାଗରିକ ମଞ୍ଚ ପ୍ରତିନିଧିଙ୍କ ମଧ୍ୟରେ ଆଲୋଚନା ହୋଇଥିଲା। ଏହି ସମୟରେ ମଞ୍ଚର ପ୍ରତିନିଧିମାନେ ପଡ଼ିଆ କେନ୍ଦ୍ରଭାଗରେ ରହିଥିବା ସ୍ଥାନକୁ କିଭଳି ବିନା ଟେଣ୍ଡରରେ ଦିଆଗଲା ଏବଂ ସେଠାରେ ରୋବାଟିକ୍‌ ଆନିମଲ ଜୁ ଖୋଲାଯାଇ ମାତ୍ରାଧିକ ଟିକେଟ ଦର ନିଆଯାଉଥିବା ଅଭିଯୋଗ କରିଥିଲେ। ତେବେ ସେହି ସ୍ଥାନ କଳାକୁଞ୍ଜ ପାଇଁ ଉଦ୍ଦିଷ୍ଟ ରହିଥିଲା, ମାତ୍ର କୌଣସି କାରଣବଶତଃ କଳାକୁଞ୍ଜ ଲାଗି ପାରି ନ ଥିବାରୁ ଯାତ୍ରାର ବ୍ୟାପକତା ଦୃଷ୍ଟିରୁ ଜମି ଅଧିଗ୍ରହଣ କମିଟିର ସୁପାରିଶକ୍ରମେ ପ୍ରଦୀପ ସାହୁଙ୍କୁ ଦିଆଯାଇଛି ବୋଲି ଉପଜିଲାପାଳ କହିଥିଲେ।
ସେଠାରେ ଖୋଲିଥିବା ରୋବାଟିକ୍‌ ଆନିମଲ ଜୁ’ରେ ଦର୍ଶକଙ୍କଠାରୁ ଜଣ ପ୍ରତି ୫୦ଟଙ୍କା ନିଆଯାଉଛି ବୋଲି ମଞ୍ଚର ପ୍ରତିନିଧିମାନେ ଅଭିଯୋଗ କରିଥିଲେ। ତେବେ ଏହି ଅଭିଯୋଗକୁ ବିଚାର କରି ଏଣିକି ଜର୍ଜ ହାଇସ୍କୁଲ ପଡ଼ିଆରେ ରହିଥିବା ରୋବାଟିକ୍‌ ଆନିମଲ ଜୁ’ରେ ଛୋଟ ପିଲାଙ୍କ ପାଇଁ ୨୦ଟଙ୍କା ଏବଂ ବଡ଼ ଲୋକଙ୍କ ପାଇଁ ୩୦ଟଙ୍କା ନେବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି ଉପଜିଲାପାଳ କହିଥିଲେ। ଏହାସହିତ ଦୋଳି, ଝୁଲା ପାଇଁ ଜଣ ପ୍ରତି ୫୦ଟଙ୍କା ଟିକେଟ୍‌ ଦର ଧାର୍ଯ୍ୟ ହୋଇଛି ବୋଲି ସେ ସୂଚନା ଦେଇଥିଲେ। ସେହିପରି ଗାଡ଼ି ପାର୍କିଂରେ ମଧ୍ୟ ମନଇଚ୍ଛା ପାର୍କିଂ ଫି ଅସୁଲ କରାଯାଉଛି ବୋଲି ଅଭିଯୋଗ ହେବାରୁ ପାର୍କିଂ ଷ୍ଟାଣ୍ଡରେ ୨ଚକିଆ ଯାନ ପାଇଁ ୩୦ଟଙ୍କା ଏବଂ ୪ଚକିଆ ଯାନ ପାଇଁ ୧୦୦ଟଙ୍କା ପାର୍କିଂ ଫି ନେବାକୁ ନିର୍ଦ୍ଦେଶ ଦିଆଯାଇଥିବା ସେ କହିଥିଲେ। ପାନୀୟଜଳ, ଶୌଚାଳୟ, ପରିମଳ ଦିଗରେ ପ୍ରଶାସନ ପଦକ୍ଷେପ ନେଉଛି ବୋଲି ଉପଜିଲାପାଳ ପାଣ୍ଡେ କହିଥିଲେ।
ବେଆଇନ ଭାବେ ପାର୍କିଂ ଷ୍ଟାଣ୍ଡ ଖୋଲିଲେ କିମ୍ବା ପାର୍କିଂ ଷ୍ଟାଣ୍ଡ ଗୁଡ଼ିକରେ ନିର୍ଦ୍ଧାରିତ ଦରଠାରୁ ଅଧିକ ଟଙ୍କା ନିଆଗଲେ ଦୃଢ଼ କାର୍ଯାନୁଷ୍ଠାନ ନିଆଯିବ ବୋଲି ଧନୁଯାତ୍ରା ଏନ୍‌ଫୋର୍ସମେଣ୍ଟ କମିଟିର ଆବାହକ ଭୀଷ୍ମଦେବ ସରାଫ କହିଥିଲେ। ଏହାକୁ ଦୃଷ୍ଟିରେ ଏନ୍‌ଫୋର୍ସମେଣ୍ଟ ଚଢ଼ାଉ କରୁଛି ଏବଂ ଧନୁଯାତ୍ରା ସରିବା ପର୍ଯ୍ୟନ୍ତ ଚଢ଼ାଉ ଜାରି ରହିବ। ଫଳରେ କେହି ବେଆଇନ ଭାବେ ପାର୍କିଂ ଫି ଅସୁଲି ନ କରିବାକୁ ସରାଫ୍‌ ପରାମର୍ଶ ଦେଇଛନ୍ତି। ଆଲୋଚନା ସମୟରେ ସଚେତନ ନାଗରିକ ମଞ୍ଚର ଭବାନୀ ସାହୁ, ନିଖିଳ ପାଣିଗ୍ରାହୀ, ମନୋହର ପ୍ରଧାନ, ଶୟନ ପଣ୍ଡା, ଜିତୁ ଭୋଇ, ଆଡଭୋକେଟ୍‌ ସନ୍ତୋଷ ଦାଶ, ସୁଦାମ ସାହୁ, ଗଙ୍ଗା ପୂଝାରୀ, ଗୋବିନ୍ଦ ଶର୍ମା, ସରୋଜ ନାଏକ, ମହମ୍ମଦ ଫିରୋଜ, ଅଲିମ ରିଜ୍‌ବି, ଲାଲା ଦୀପ ପ୍ରମୁଖ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଦାବି ପ୍ରତି କର୍ଣ୍ଣପାତ କରୁନାହାନ୍ତି ସରକାର, ସମୂହ ଛୁଟିରେ ଗଲେ ବେଗୁନିଆପଡ଼ାବ୍ଲକ ଯୋଗାଣ ସହାୟକ

ବେଗୁନିଆପଡା,୫।୪(ସୁଶାନ୍ତ କୁମାର ପଟ୍ଟନାୟକ): ଯୋଗାଣ ସହାୟକମାନଙ୍କ ଦାବିକୁ ସରକାର କର୍ଣ୍ଣପାତ କରୁ ନ ଥିବା ଅଭିଯୋଗରେ ରାଜ୍ୟ ସଂଘର ନିଷ୍ପତ୍ତି କ୍ରମେ ଶନିବାରଠାରୁ ବେଗୁନିଆପଡ଼ା ବ୍ଳକର...

କାନାଡ଼ାରେ ଭାରତୀୟଙ୍କୁ ହତ୍ୟା

ଓଟାଓ୍ବା,୫।୪: କାନାଡାର ଓଟାୱା ସହର ନିକଟରେ ଜଣେ ଭାରତୀୟ ନାଗରିକଙ୍କୁ ଛୁରି ଭୁସି ହତ୍ୟା କରାଯାଇଛି। ଏହି ଘଟଣାରେ ପୋଲିସ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ...

ପ୍ରଥମଥର ପଡ଼ିଆରେ ନଜର ଆସିଲେ ଧୋନୀଙ୍କ ମାତା ପିତା, ଅନେକ କିଛି ଅନୁମାନ ଲଗାଇଲେଣି ପ୍ରଶଂସକ

ନୂଆଦିଲ୍ଲୀ,୫।୪: ଭାରତୀୟ ଦଳର ଷ୍ଟାର ଅଧିନାୟକ ଏବଂ ଦେଶ ପାଇଁ ତିନୋଟି ICC ଟ୍ରଫି ଜିତିଥିବା ମହେନ୍ଦ୍ର ସିଂହ ଧୋନି ଏବେ କେବଳ IPL ଖେଳୁଛନ୍ତି।...

କ୍ଷତିପୂରଣ ପାଇଁ ଛିଡୁନି ଅଙ୍କ,ବ୍ୟବଚ୍ଛେଦ ନ ହୋଇ ସ୍ବାସ୍ଥ୍ୟକେନ୍ଦ୍ରରେ ପଡ଼ି ରହିଛି ମୃତଦେହ

ପଟ୍ଟାଙ୍ଗି,୫।୪(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ଥାନା ଅନ୍ତର୍ଗତ ଚନ୍ଦକା ପଞ୍ଚାୟତରେ ଚାଲିଥିବା ଭାରତମାଳା ରାସ୍ତା ନିର୍ମାଣ କାର୍ଯ୍ୟରେ ଶ୍ରମିକ ଭାବେ କାର୍ଯ୍ୟ କରୁଥିବା...

ପାକିସ୍ତାନ ଖେଳାଳିଙ୍କ ମଧ୍ୟରେ ଝଗଡ଼ା, କଥା ଗଲା ମାଡପିଟ ପର୍ଯ୍ୟନ୍ତ? ଜାଣନ୍ତୁ ସମ୍ପୂର୍ଣ୍ଣ ଘଟଣା

ଇସଲାମାବାଦ,୫।୪: ଦିନିକିଆ ସିରିଜରେ ନ୍ୟୁଜିଲାଣ୍ଡ ପାକିସ୍ତାନକୁ ଅତି ଶୋଚନୀୟ ଭାବେ ପରାସ୍ତ କରିଥିଲା। ନ୍ୟୁଜିଲାଣ୍ଡ ଏହି ସିରିଜକୁ ୩-୦ରେ ଜିତିଛି। ସିରିଜର ତୃତୀୟ ଏବଂ ଅନ୍ତିମ...

ଏତେ ଖସିଗଲା ସୁନାଦର, ଜାଣନ୍ତୁ ୧୦ଗ୍ରାମ ସୁନାଦାମ୍‌ କେତେ…

ନୂଆଦିଲ୍ଲୀ,୫।୪: ସୁନା ଓ ରୂପାର ମୂଲ୍ୟରେ ବଡ଼ ଧରଣର ହ୍ରାସ ଦେଖାଦେଇଛି। ଅର୍ଥନୈତିକ ମାନ୍ଦ୍ୟ ଭୟ ଏବଂ ବିଶ୍ୱବ୍ୟାପୀ ଶେୟାର ବଜାରରେ ହତାଶା ସତ୍ତ୍ୱେ ସୁନା,...

ଏବେ ପର୍ଯ୍ୟନ୍ତ ଅବିବାହିତ ଅଛନ୍ତି IPL ଟିମର ଏହି କ୍ୟାପଟେନ, ଶୁବମନ ଗିଲଙ୍କ ସମେତ ଏମାନଙ୍କୁ ମିଳିନାହିଁ ଲାଇଫ ପାର୍ଟନର

ନୂଆଦିଲ୍ଲୀ,୫।୪: ଗତ ବର୍ଷ IPL ୨୦୨୫ ପାଇଁ ଏକ ମେଗା ନିଲାମ ଅନୁଷ୍ଠିତ ହୋଇଥିଲା, ଯାହା ପରେ ଅନେକ ଦଳ ପରିବର୍ତ୍ତନ ହୋଇଥିବା ଦେଖାଯାଇଥିଲା। ଦଳଗୁଡ଼ିକ...

Barack Obama Divorce Rumours: ପତ୍ନୀ ମିଶେଲଙ୍କ ସହ ଓବାମାଙ୍କର କେମିତି ରହିଛି ସମ୍ପର୍କ? ଗୁମର କହିଲେ ପୂର୍ବତନ ରାଷ୍ଟ୍ରପତି

ଓ୍ବାଶିଂଟନ,୫।୪: ଆମେରିକାର ହାମିଲଟନ କଲେଜରେ ଏକ କାର୍ଯ୍ୟକ୍ରମରେ ପୂର୍ବତନ ରାଷ୍ଟ୍ରପତି ବାରାକ ଓବାମା ତାଙ୍କ ଜୀବନର ଏପରି ଏକ ଦିଗ ବିଷୟରେ କହିଥିଲେ ଯାହାକୁ ରାଜନେତାମାନେ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image