ଗଞ୍ଜାମ,୨୫।୫(ଡି.ଏନ୍.ଏ.): ବାତ୍ୟା ୟାସ୍ ପାଇଁ ଗଞ୍ଜାମ ସହରରେ ମଧ୍ୟ ପ୍ରସ୍ତୁତି ଚାଲିଛି। ପ୍ରଶାସନ ବ୍ଲକର ୧୫ ପଞ୍ଚାୟତରୁ ପ୍ରାୟ ୫ ହଜାର ପରିବାରଙ୍କୁ ବାତ୍ୟା ଆଶ୍ରୟସ୍ଥଳୀ କିମ୍ବା ସ୍କୁଲକୁ ସ୍ଥାନାନ୍ତର କରିବାକୁ ସ୍ଥାନୀୟ ପ୍ରଶାସନ ଲକ୍ଷ୍ୟ ରଖିଛି l ଏଥିସହ ବାତ୍ୟା ପରେ ଭାଙ୍ଗି ଯାଇଥବା ଗଛଡାଳକୁ ତୁରନ୍ତ ହଟାଇବା ଲାଗି ଏନ୍ଏସି୍ ପ୍ରଶାସନ ପକ୍ଷରୁ ଜେସିବି, ଟ୍ରାକ୍ଟର ଆଦି ମହଜୁଦ ରଖାଯାଇଛି l ପୂର୍ବରୁ ତହସିଲଦାର ଅରୁଣ କୁମାର ନାୟକ ନିଜେ ଡ଼ାକବାଜି ଯନ୍ତ୍ର ମାଇକରେ ସମୁଦ୍ରକୁଳ ନିକଟବର୍ତ୍ତୀ ଅଞ୍ଚଳର ମତ୍ସ୍ୟଜୀବିଙ୍କୁ ସମୁଦ୍ର ଭିତରକୁ ନ ଯିବା ଲାଗି ବାରଣ କରିଛନ୍ତି l କୋଭିଡ ସଂକ୍ରମଣକୁ ଦୃଷ୍ଟିରେ ରଖି ୫୦ ଜଣ ବ୍ୟକ୍ତି ବାତ୍ୟା ଆଶ୍ରୟ ସ୍ଥଳୀ କିମ୍ବା ସ୍କୁଲରେ ରହିବା ବ୍ୟବସ୍ଥା କରାଯାଇଛି। ବାତ୍ୟା ଆଶ୍ରୟସ୍ଥଳୀ ପରିଚାଳନା କମିଟି ଓ ପ୍ରଧାନ ଶିକ୍ଷକ ମାନଙ୍କୁ ଆଲର୍ଟ ରହିବା ପାଇଁ ନିର୍ଦ୍ଦେଶ ଦିଆଯାଇଛି l
