ମାଧପୁର,୧୯।୪(ଡି.ଏନ.ଏ.)
ଅନୁଗୋଳ ଜିଲା ଆଠମଲ୍ଲିକ ବ୍ଲକ ମାଧପୁର ପଞ୍ଚାୟତର କୁନ୍ଦନାଳୀ ଗ୍ରାମକୁ ନିକଟସ୍ଥ କନ୍ଧପଡା ପାନୀୟ ଜଳ ପ୍ରକଳ୍ପରୁ ଯାଇଥିବା ପାଇପ୍ ଫାଟିଯିବା କାରଣରୁ ୨ ଦିନ ହେଲା ପିଇବା ପାଣି ବିଲରେ ମାଡ଼ୁଥିଲା। ଫଳରେ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ଏ ନେଇ ସୋମବାର ‘ପାଇପ୍ ଫାଟି ବିଲରେ ମାଡ଼ୁଛି ପାନୀୟ ଜଳ’ ଶୀର୍ଷକ ଖବର ‘ଧରିତ୍ରୀ’ରେ ପ୍ରକାଶ ପରେ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଥିଲା। ସୋମବାର ବିଭାଗୀୟ କର୍ତ୍ତୃପକ୍ଷ ପଦକ୍ଷେପ ନେଇ କୁମୁସିଆସାହି ନିକଟରେ ଫାଟି ଯାଇଥିବା ପାଇପ୍କୁ ମରାମତି କରିଛନ୍ତି। ଫଳରେ କୁନ୍ଦନାଳୀ ଗ୍ରାମକୁ ପାଇପ୍ ପାଣି ପୁଣି ସଂଯୋଗ ହୋଇପାରିଛି ଓ ଗ୍ରାମବାସୀ ପିଇବା ପାଣି ପାଇପାରିଛନ୍ତି। ଏ ନେଇ ଗ୍ରାମବାସୀ ‘ଧରିତ୍ରୀ’କୁ ଧନ୍ୟବାଦ ଦେଇଛନ୍ତି।