ନୂଆଦିଲ୍ଲୀ: କରୋନା ସଂକ୍ରମଣ ବଢୁଥିବାରୁ ବିଶ୍ୱର ସଙ୍କଟ ସ୍ଥିତି ଉପୁଜିଛି। ଭାରତ ବଜାର ପାଇଁ ଏହା ପୁଣି ଥରେ ସମସ୍ୟା ଆଣିଛି। ବିଶ୍ୱର ପ୍ରମୁଖ ବ୍ରୋକରେଜ ଫାର୍ମଗୁଡିକ ଭାରତ ବଜାର ଲାଗି ପୂର୍ବରୁ କରିଥିବା ଜିଡିପି ଆକଳନକୁ ବର୍ତ୍ତମାନ ଖସାଉଥିବା ଦେଖାଯାଇଛି। ଦେଶ ମଧ୍ୟରେ ବିଭିନ୍ନ ସ୍ଥାନରେ ଲକଡାଉନ ହେବା ଯୋଗୁ ଆର୍ଥତ୍କ ସ୍ଥିତି ପ୍ରଭାବିତ ହେଉଛି। ଏହାକୁ ଦେଖି ଏଜେନ୍ସିଗୁଡିକ ଜିଡିପିକୁ ପ୍ରାୟ ୧୦% ଯାଏ ହ୍ରାସ କରିଛନ୍ତି।
ବ୍ରୋକରେଜ ଫାର୍ମ ନୋମୁରା କହିଛି ଯେ, ଜିଡିପି ୧୨.୬% ରହିପାରେ। ପୂର୍ବରୁ ଏହା ୧୩.୬% ଅଭିବୃଦ୍ଧି ନେଇ କହିଥିଲା। ସେହିଭଳି ଜେପି ମୋର୍ଗାନ ୧୩ରୁ ୧୧%, ୟୁଏସ୍ବି ୧୧.୫ରୁ ୧୦%କୁ ଜିଡିପି ଆକଳନ କମାଇଛି। ଏହାବାଦ ସିଟି ଗ୍ରୁପ ପୂର୍ବରୁ ଆକଳନକୁ ପରିବର୍ତ୍ତନ କରି ବର୍ତ୍ତମାନ ୧୨% କରିଛି। ସେହିଭଳି ଅଭିବୃଦ୍ଧି ୧୦.୫% ରହିବା ନେଇ ଆର୍ବିଆଇ କହିଥିବା ବେଳେ ଆଇଏମ୍ଏଫ୍ ୧୨.୫% ଏବଂ ଓ୍ବାର୍ଲଡ ବ୍ୟାଙ୍କ ୧୨.୫% ଜିଡିପି ଆକଳନ କରିଛି। ଜିଡିପି ୧୧.୫% ରହିବା ନେଇ ପୂର୍ବରୁ ୟୁବିଏସ୍ ନାମକ ବ୍ରୋକରେଜ କହିଥିବା ବେଳେ ବର୍ତ୍ତମାନ ଏହା ୧୦%କୁ ଖସାଇ ଦେଇଛି।
ନିକଟରେ ବ୍ୟାଙ୍କ ଅଫ୍ ଆମେରିକା ଏହାର ଆକଳନରେ କହିଥିଲା ଯେ,କରୋନା ସ୍ଥିତି ବିଗୁଡୁଥିବାରୁ ୨୦୨୦-୨୧ ଆର୍ଥତ୍କ ବର୍ଷର ଚତୁର୍ଥ ତ୍ରୈମାସ ଜିଡିପି ଅଭିବୃଦ୍ଧି ପ୍ରଭାବିତ ରହିବ। ପୂର୍ବରୁ ଏହି ଅବଧିରେ ୩% ଅଭିବୃଦ୍ଧି ଆକଳନ କରାଯାଇଥିଲା। ମାତ୍ର ଏହା ହାସଲ କରିବାରେ ଚ୍ୟାଲେଞ୍ଜ ଉପୁଜିବ। ସାରା ଦେଶରେ ଗୋଟିଏ ମାସ ଲକଡାଉନ ହେଲେ ଦେଶର ଅର୍ଥ ବ୍ୟବସ୍ଥାକୁ ୧୦୦ରୁ ୨୦୦ ବେସିସ ପଏଣ୍ଟ ଝଟକା ଲାଗିବ ବୋଲି ଆଶଙ୍କା କରାଯାଉଛି। କୋଭିଡ ୧୯ର ନୂଆ ଲହର ଭାରତୀୟ ଅର୍ଥ ବ୍ୟବସ୍ଥା ଲାଗି ସଙ୍କଟ ସ୍ଥିତି ସୃଷ୍ଟି କରୁଥିବା ଏହି ଫିଚ୍ ସଲ୍ୟୁଶନ ପ୍ରକାଶ କରିଛି।