ବିନିକା, ୧୩ା୮(ଡି.ଏନ୍.ଏ.): ସୁବର୍ଣ୍ଣପୁର ଜିଲା ବିନିକା ବ୍ଲକ ଜୁଲୁଣ୍ଡା ପଞ୍ଚାୟତ ଅନ୍ତର୍ଗତ ଅମାମୁଣ୍ଡାରୁ କୁହିବାହାଲକୁ ସଂଯୋଗ କରୁଥିବା ୪ କିମି ରାସ୍ତା ଶୋଚନୀୟ ହୋଇପଡିଛି। ଦୀର୍ଘବର୍ଷ ହେଲା ଏହି ମାଟିରାସ୍ତାର ପୁନରୁଦ୍ଧାର ହୋଇନି ା ଫଳରେ ଏହି ରାସ୍ତା ଉପରେ ନିର୍ଭର କରୁଥିବା ଜୁଲୁଣ୍ଡା, ଅମାମୁଣ୍ଡା, ସିଆଲି, ସିଲଜୁରୀ, କୁହିବାହାଲ, ଖୁର୍ଡିଆବାହାଲ ପ୍ରଭୃତି ଗ୍ରାମର ଲୋକେ ଯାତାୟାତରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି। ଏଥିସହିତ ଶନିବାର ଜୁଲୁଣ୍ଡା ସାପ୍ତାହିକ ବଜାର ବସୁଥିବାରୁ ବହୁସଂଖ୍ୟାରେ ବ୍ୟବସାୟୀ ଓ ଗ୍ରାହକ ଏଠାକୁ ଆସିଥାନ୍ତି। ହେଲେ ରାସ୍ତା ଦୁରବସ୍ଥା ସମସ୍ୟା ସୃଷ୍ଟି କରୁଛି। ଏବେ ବର୍ଷାଦିନ ଆସି ଯାଇଥିବାରୁ ଏହି ରାସ୍ତାରେ ଯିବା ଆସିବା କରିବା ଦୁର୍ବିଷହ ହୋଇପଡୁଛି। ଅବିଳମ୍ବେ ରାସ୍ତା ମରାମତି କରିବାକୁ ସାଧାରଣରେ ଦାବି ହେଉଛି।