ଖଇରା, ୧୧।୬ ବେକାରୀମାନଙ୍କୁ ଉଭୟ ବ୍ୟକ୍ତିଗତ ଓ ଗୋଷ୍ଠୀଗତ ଭାବେ ସ୍ବାବଲମ୍ବୀ କରିବାକୁ ସରକାର ବହୁ ଯୋଜନା ପ୍ରଣୟନ କରୁଛନ୍ତି। ହେଲେ ପ୍ରଚାର, ପ୍ରସାର ଅଭାବରୁ ଆବେଦନ ଓ ଯୋଜନା କାର୍ଯ୍ୟକାରୀ ପାଇଁ ରହିଥିବା କଟକଣା ପାଇଁ ଯୋଜନାର ସଫଳ ରୂପାୟନ ହୋଇ ପାରୁ ନ ଥିବା ଅଭିଯୋଗ ହୋଇଛି। ପ୍ରାଣୀ ଚିକିତ୍ସା ବିଭାଗ ତରଫରୁ କୁକୁଡା ଓ ଛେଳି ପାଳନରୁ ଲାଭବାନ ହେବା ପାଇଁ ୨୦୨୧-୨୨ରୁ ପ୍ରଣୟନ କରାଯାଇଥିବା ଯୋଜନା ବାଲେଶ୍ୱର ଜିଲା ଖଇରା ବ୍ଲକରେ ଠିକ୍ ଭାବେ କାର୍ଯ୍ୟକାରୀ ହୋଇପାରୁନାହିଁ। କେବଳ ଆବେଦନ ବ୍ୟତୀତ ଜଣେ ହେଲେ ହିତାଧିକାରୀ ଉପକୃତ ହୋଇ ନ ଥିବାର କୁହାଯାଉଛି। ବର୍ତ୍ତମାନ ବେକାର ଯୁବତୀଯୁବକଙ୍କ ସଂଖ୍ୟା ଆଶାତୀତ ଭାବେ ବଢୁଥିବାରୁ ବ୍ୟାପକ ପ୍ରସାର ପ୍ରଚାର ମାଧ୍ୟମରେ ସେମାନଙ୍କ ନିକଟରେ ଏହି ଲାଭଦାୟକ ଯୋଜନା ପହଞ୍ଚାଇବାକୁ ଦାବି ହୋଇଛି।
ବ୍ୟକ୍ତିଗତ ଭାବେ ବ୍ରଏଲର ଓ ଲେୟାର କୁକୁଡା ପାଳନ ପାଇଁ ଅର୍ଥ ପ୍ରଦାନ ବ୍ୟବସ୍ଥା କରାଯାଇଛି ା ୫ଶହ ବ୍ରଏଲର ପାଇଁ ପ୍ରକଳ୍ପ ମୂଲ୍ୟ ୧ଲକ୍ଷ ୮୦ହଜାର ଟଙ୍କା ରହିଥିବା ବେଳେ ଏଥିରେ ରିହାତି ୭୨ହଜାର ଟଙ୍କା ରହିଛି ା ଫାର୍ମ ତିଆରି ପାଇଁ ୨୮ହଜାର, ବାକି ଅର୍ଥ କୁକୁଡା କିଣିବା ବାବଦରେ ବିନିଯୋଗର ବ୍ୟବସ୍ଥା ରହିଛି ା ସେହିଭଳି ୧ହଜାର ଲେୟାର କୁକୁଡା ପାଇଁ ପ୍ରକଳ୍ପ ମୂଲ୍ୟ ୭ଲକ୍ଷ ୫୯ହଜାର ୨ଶହ ଥିବା ବେଳେ ୩ ପର୍ଯ୍ୟାୟରେ ୩ଲକ୍ଷ ୩ହଜାର ଟଙ୍କାର ରିହାତି ବ୍ୟବସ୍ଥା ରହିଛି ା ଫାର୍ମ ତିଆରି ପାଇଁ ୯୦ହଜାର ଏବଂ ବାକି ଅର୍ଥ କୁକୁଡା କିଣାରେ ବ୍ୟବହାର କରାଯିବାକୁ ଉଲ୍ଲେଖ ରହିଛି ା ୨୦୨୨-୨୩ ବର୍ଷରେ ଏପର୍ଯ୍ୟନ୍ତ ମାତ୍ର ୨୮ଜଣ ବ୍ରଏଲର ଏବଂ ୩ଜଣ ଲେୟାର କୁକୁଡା ପାଳନ ପାଇଁ ଆବେଦନ କରିଛନ୍ତି୧ ଏହାଛଡା ମହିଳା ସ୍ବୟଂ ଗୋଷ୍ଠୀଙ୍କୁ ସ୍ବାବଲମ୍ବୀ କରାଯିବାକୁ ପର୍ଯ୍ୟାପ୍ତ ବ୍ୟବସ୍ଥା ରହିଛି। ୧ ହଜାର ଲେୟାର କୁକୁଡା ପାଳନ ପାଇଁ ପ୍ରକଳ୍ପ ମୂଲ୍ୟ ୩ଲକ୍ଷ ୬୦ହଜାର ଟଙ୍କା ଏବଂ ୧ଲକ୍ଷ ୪୪ହଜାର ଟଙ୍କାର ରିହାତି ପ୍ରଦାନ ବ୍ୟବସ୍ଥା ରହିଛି ା ସେହିଭଳି ଛେଳି ପାଳନ ପାଇଁ ମଧ୍ୟ ପର୍ଯ୍ୟାପ୍ତ ସୁଯୋଗ ରହିଛି ା ୩୨ ଛେଳି ପାଳନ ପାଇଁ ମୋଟ ପ୍ରକଳ୍ପ ୨ଲକ୍ଷ ୩୦ହଜାର ଟଙ୍କା ରହିଥିବା ବେଳେ ୧ଲକ୍ଷ ୧୫ହଜାର ଟଙ୍କାର ରିହାତି ବ୍ୟବସ୍ଥା ରହିଛି ା ୨୦୨୧-୨୨ରୁ ଏହି ଯୋଜନା ଆରମ୍ଭ ହୋଇଛି। ୨ବର୍ଷ ମଧ୍ୟରେ ମାତ୍ର ୧୪ଟି ଗୋଷ୍ଠୀ ଏହି ଯୋଜନା ପାଇଁ ଆବେଦନ କରିଛନ୍ତି ା ପ୍ରଚାର ପ୍ରସାର ଠିକ୍ ଭାବେ ହେଉ ନ ଥିବାରୁ ଯୋଜନାଗୁଡିକର ପ୍ରକୃତ ସୁଫଳ ଆଶାୟୀ ପ୍ରାଣୀପାଳକଙ୍କ ନିକଟରେ ପହଞ୍ଚିପାରୁନାହିଁ ବୋଲି ଡୁଙ୍ଗୁରା ଅଞ୍ଚଳର କୃଷକ ନେତା ବିଶ୍ୱନାଥ ସେଣ୍ଡ କହିଛନ୍ତି ା ଆଗ୍ରହୀ ପ୍ରାଣୀମାଲିକମାନଙ୍କ ପାଖରେ କିଭଳି ସୁବିଧା ପହଞ୍ଚିପାରିବ ଉଦ୍ୟମ ଜାରି ରଖିଥିବା କହିଛନ୍ତି ା