ବିଜେଡିର ଭ୍ରଷ୍ଟାଚାର ବିରୋଧୀ କଥା, ଲଙ୍କାରେ ହରି ଶବ୍ଦ ଭଳି
8:45 amDecember 23, 2020December 23, 2020 / 43

ଭୁବନେଶ୍ୱର,୨୩।୧୨(ବ୍ୟୁରୋ): ଦୀର୍ଘ ୨୧ ବର୍ଷ ଧରି ଦୁର୍ନୀତିକୁ ପ୍ରୋତ୍ସାହିତ କରିଆସୁଥିବା ବିଜେଡି ସରକାର ବର୍ତ୍ତମାନ ଏହା ବିରୋଧରେ ସ୍ବର ଉଠାଇବା ଅତ୍ୟନ୍ତ ହାସ୍ୟାସ୍ପଦ ବୋଲି ଭାଜପା କଟାକ୍ଷ କରିଛି। ବିଜେଡି ଭ୍ରଷ୍ଟାଚାର ବିରୋଧୀ କଥା କହିବା ଲଙ୍କାରେ ହରିଶଦ୍ଦ ବୋଲି ଭାଜପା ରାଜ୍ୟ ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ କହିିଛନ୍ତି ା ରାଜ୍ୟ କାର୍ଯ୍ୟାଳୟଠାରେ ମଙ୍ଗଳବାର ଆୟୋଜିତ ଖବରଦାତା ସମ୍ମିଳନୀରେ ସେ କହିଛନ୍ତି, କେନ୍ଦ୍ର ସରକାରଙ୍କ ଜନକଲ୍ୟାଣକାରୀ ଯୋଜନା ପାଇବା ପାଇଁ ରାଜ୍ୟ ସରକାର ରେଷ୍ଟୁରାଣ୍ଟର ମେନ୍ୟୁ କାର୍ଡ ପରି ଭ୍ରଷ୍ଟାଚାରର ରେଟ୍‌ ଚାର୍ଟ ତିଆରି କରିଛନ୍ତି। ବିଜେଡି ବିଧାୟକ ଓ ମନ୍ତ୍ରୀମାନେ ଅଜଣା ଲୋକଙ୍କ ନାଁରେ ବେନାମୀ ସମ୍ପତ୍ତିି କିଣିବା ଆରମ୍ଭ କରିଥିବା ସେ କହିଛନ୍ତି।