ଠାକୁରମୁଣ୍ଡା,୧।୫(ଡି.ଏନ୍.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକ ଅଞ୍ଚଳରେ ଶୁକ୍ରବାର ରାତିରେ କାଳବୈଶାଖୀ ପ୍ରଭାବରେ ଅନେକ କ୍ଷୟକ୍ଷତି ହୋଇଛି। ପ୍ରବଳ ବେଗରେ ପବନ ଯୋଗୁ ଅନେକ ଲୋକଙ୍କ ଘର ଛପର ଉଡ଼ିଯାଇଛି। କେନ୍ଦୁଜିଆଣି ପଞ୍ଚାୟତ ଡୁମୁରିଆ ଗ୍ରାମର ପର୍ଶୁରାମ ନାୟକଙ୍କ ଘରର ଆଜବେଷ୍ଟସ୍ ସମ୍ପୂର୍ଣ୍ଣ ଉଡ଼ିଯାଇଛି। ସେହିପରି ଚମ୍ପାଝର ପଞ୍ଚାୟତ ଖଣ୍ଡପାଳ ବାଲିପୋଷୀ ଗ୍ରାମର ଅନେକ ଲୋକଙ୍କ ଘର ଉଡ଼ିଯାଇଛି। ଗ୍ରାମର ଭାଗିରଥୀ ମହାନ୍ତଙ୍କ ଦୁଇ ବଖରା ଆଜବେଷ୍ଟସ୍ ଓ ଟାଇଲ ଛପର ଘର ସମ୍ପୂର୍ଣ୍ଣ ଭାବରେ ଉଡ଼ି ଯାଇଥିବା ବେଳେ ପ୍ରତାପ ମହାନ୍ତଙ୍କ ୪ ବଖରା ଟାଇଲ ଘର, ବୁଟୁ ମହାନ୍ତଙ୍କ ୨ ବଖରା ଏବଂ ଶିବ ମହାନ୍ତଙ୍କ ୨ ବଖରା ଟାଇଲ ଘର ଉଡ଼ାଇ ନେଇଥିବାର ଜଣାପଡ଼ିଛି।
