ଅନୁଗୋଳ ଅଫିସ, ୫।୮:ଅନୁଗୋଳ ପ୍ରିନ୍ସ ଆଣ୍ଡ ପ୍ରିନ୍ସ କ୍ଲବ ପକ୍ଷରୁ ରବିବାର ସାରେ ‘ପ୍ରିନ୍ସ ଫେଷ୍ଟ୍’ ଅନୁଷ୍ଠିତ ହୋଇଯାଇଛି। ହେମସୁରପଡ଼ା ଟାଉନ୍ ହାଇସ୍କୁଲ ପଡ଼ିଆରେ ଆୟୋଜିତ ଏହି ସାଂସ୍କୃତିକ ସାରେ ଗୋଟିଏ ପରେ ଗୋଟିଏ ଓଲିଉଡ୍ ଓ ବଲିଉଡ୍ ସଙ୍ଗୀତର ଧୁନ୍ରେ ଶ୍ରୋତା ଝୁମିଥିଲେ। ଗୀତର ତାଳେତାଳେ ଦର୍ଶକଙ୍କ ଠୁମ୍କା ମାହୋଲକୁ ଆହୁରି ରୋମାଞ୍ଚତ୍ତ କରିଦେଇଥିଲା। ଓଲିଉଡ୍ କଣ୍ଠଶିଳ୍ପୀ ସ୍ବୟମ୍ ପାଢୀ, ନାଭ୍ୟା, ଶଶାଙ୍କ ଶେଖରଙ୍କ ହିଟ୍ ଗୀତରେ ଦର୍ଶକ ମତୁଆଲା ହୋଇଥିଲେ। ସାଂସ୍କୃତିକ ସା ଆରମ୍ଭରୁ ସ୍ବୟମ୍ଙ୍କ ‘ମତେ ତ ତୋ ମନର ଟୋପା ଟୋପା ରଙ୍ଗ…, ତୁ ନୂଆ ସାଏରୀ…, ମୋ ପ୍ରେମ କାହାଣୀର ତୁ ନାୟିକା…ଗୀତ ଦର୍ଶକଙ୍କୁ ବିଭୋର କରିଥିଲା। ନାଭ୍ୟାଙ୍କ କାଟୁ କୈସେ ରାତେଁ…, ଏସୈ ଲେହେରାକେ ତୁ… ଗୀତରେ ଦର୍ଶକ ଝୁମିଥିଲେ। ପରେ ପରେ ଶଶାଙ୍କ ଶେଖରଙ୍କ ତୋ ଆଖି ମୋ ଆଇନା…., ସୁନେଲି ସୁନେଲି ଖରା…, ସୁନାର ଚଢ଼େଇ…. ଗୀତ ସହ ସମ୍ବଲପୁରୀ ନୃତ୍ୟ ଦେଖାଣାହାରୀଙ୍କୁ ଆନମନା କରିଥିଲା।
ଅନୁଗୋଳ ଉପଜିଲାପାଳ ବାଇତୁରା ଦୀପ, ତହସିଲଦାର ବିମଳ କୁମାର ଲେଙ୍କା, ନିର୍ବାହୀ ଅଧିକାରୀ ଗିରିଜା ଶଙ୍କର ମଲ୍ଲିକ, ଭାଜପା ରାଜ୍ୟକାରିଣୀ ସଦସ୍ୟ ପ୍ରତାପ ଚନ୍ଦ୍ର ପ୍ରଧାନ, ଶିଳ୍ପପତି ସତ୍ୟାନନ୍ଦ ଦଳବେହେରା, ବ୍ୟବସାୟୀ ଅନିଲ କୁମାର ରାଉତ ପ୍ରମୁଖ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ରଶ୍ମିରଞ୍ଜନ ସାହୁ, ଦିବ୍ୟଜିତ୍ ଦାସ, ସରୋଜ ଦାସ, ନିରୂପମା ସିଂ, ଶୁଭ୍ରାଂଶୁ ଶେଖର ସାହୁ, ସୁନିଲ ଦାସ, ଆଶୁତୋଷ ବାଗଲେ, ସତ୍ୟ ସୁନ୍ଦର, ବଳରାମ ଜେନା, ଶାନ୍ତନୁ ସ୍ବାଇଁ ପ୍ରମୁଖ ସହଯୋଗ କରିଥିଲେ।