ସାଉଥ୍ ସୁପରଷ୍ଟାର ପ୍ରଭାସଙ୍କ ଫିଲ୍ମ ପାଇଁ ତାଙ୍କ ପ୍ରଶଂସକ ଉତ୍ସାହିତ ଥାନ୍ତି। ଦର୍ଶକଙ୍କ ଉତ୍ସାହ ବଢ଼ାଇବା ସହ ପ୍ରଭାସ ତାଙ୍କ ପ୍ରଶଂସକଙ୍କୁ ଆଉ ଏକ ଇସାରା ଦେଇଛନ୍ତି। ସେ ପୁଣିଥରେ ମହେନ୍ଦ୍ର ବାହୁବଳୀ ହେବାକୁ ପ୍ରସ୍ତୁତ ହେଉଛନ୍ତି । ଏକ ସାକ୍ଷାତକାରରେ ପ୍ରଭାସ କହିଛନ୍ତି, ପୁଣିଥରେ ସେ ବାହୁବଳୀ ନିର୍ଦ୍ଦେଶକ ଏସ୍ଏସ୍ ରାଜାମୌଲିଙ୍କ ସହ ହାତ ମିଳାଇବାକୁ ଯାଉଛନ୍ତି। ୟ ବାହୁବଳୀର ଫ୍ରାଞ୍ଚାଇଜ ବନ୍ଦ କରିବାକୁ ନିର୍ଦ୍ଦେଶକ ପ୍ରସ୍ତୁତ ନୁହଁନ୍ତି। ଏହି ଫିଲ୍ମର ପରବର୍ତ୍ତୀ ପାର୍ଟ ଶୀଘ୍ର ଆସିପାରେ। ପ୍ରଶଂସକମାନେ ବାହୁବଳୀରେ ପୁଣିଥରେ ପ୍ରଭାସଙ୍କୁ ଦେଖିବାକୁ ପାଇବେ । ବାହୁବଳୀର ଦୁଇଟି ସୁପରହିଟ୍ ପାର୍ଟ ପରେ ଏହାର ତୃତୀୟ ପାର୍ଟକୁ ନେଇ ଆଲୋଚନା ହେଉଛି। କିନ୍ତୁ ଏ ପର୍ଯ୍ୟନ୍ତ କୌଣସି ଅଫିସିଆଲ ଘୋଷଣା କରାଯାଇ ନାହିଁ।
ନିର୍ଦ୍ଦେଶକ ଏବଂ ପ୍ରଭାସ ମଧ୍ୟ ତୃତୀୟ ପାର୍ଟ ପାଇଁ ଲାଗିଛନ୍ତି। ବର୍ତ୍ତମାନ ଦର୍ଶକଙ୍କୁ ଏହି ଫିଲ୍ମ ପାଇଁ ବହୁତ ସମୟ ଅପେକ୍ଷା କରିବାକୁ ପଡିବ, କାରଣ ପ୍ରଭାସ ବର୍ତ୍ତମାନ ତାଙ୍କର ଅନ୍ୟ ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି । ବର୍ତ୍ତମାନ ପ୍ରଭାସ ତାଙ୍କର ଆଗାମୀ ଫିଲ୍ମ ‘ରାଧେଶ୍ୟାମର’ ପ୍ରମୋଶନରେ ବ୍ୟସ୍ତ ଥିବାବେଳେ ଫିଲ୍ମ ମାର୍ଚ୍ଚ ୧୧ରେ ମୁକ୍ତିଲାଭ କରିବାକୁ ଯାଉଛି ।