ପାଟଣା,୮ା୭(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ କୁଠାଘର ନୂଆଗାଁରେ ମାମୁଘରେ ଜଣେ ୬ ମାସ ଶିଶୁପୁତ୍ରର ଗୁରୁବାର ବିଳମ୍ବିତ ରାତିରେ ମୃତ୍ୟୁ ଘଟିଛି। ମୃତ ଶିଶୁପୁତ୍ର ଜଣକ ହେଉଛନ୍ତି ପାଟଣା ଥାନା ଟେଣ୍ଡେରା ପଞ୍ଚାୟତ ବାରଟଣିଆ ଗ୍ରାମର ଥାନା ନରେଶ ମୁଣ୍ଡାଙ୍କ ୬ ମାସର ଦିବ୍ୟ ରଞ୍ଜନ।
ସୂଚନାନୁଯାୟୀ, ରଶ୍ମିତା ବାପଘର ଗାଁ ନୂଆଗାଁକୁ ଆସିଥିବା ବେଳେ ଏଭଳି ଅଘଟଣ ଘଟିଛି। ଶିଶୁପୁତ୍ରକୁ ଗୁରୁବାର ରାତିରେ ମା’ କୋଳରେ ଶୋଇଥିବା ବେଳେ ବିଷଧର ସାପ କାମୁଡ଼ି ଦେଇଥିଲା। ପରିବାର ଲୋକେ ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ ହେଁ ଡାକ୍ତର ଶିଶୁପୁତ୍ରକୁ ମୃତ ଘୋଷଣା କରିଛନ୍ତି। ଶିଶୁପୁତ୍ରର ମୃତ୍ୟୁକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।