ରାଇକିଆ,୨୭ା୫(ଡି.ଏନ୍.ଏ.): କନ୍ଧମାଳ ଜିଲା ରାଇକିଆ ବ୍ଲକର ବାରବା ରେଞ୍ଜର ପଳାଶପଲ୍ଲୀ ଗ୍ରାମର ଏକ ପରିତ୍ୟକ୍ତ କୂଅରେ ଗୁରୁବାର ରାତିରୁ ଏକ ୪/୫ ବର୍ଷ ର ହାତୀଛୁଆ ଖସି ପଡ଼ିଛି। ଏହି ଅଞ୍ଚଳରେ ହାତୀପଲଙ୍କର ନିୟମିତ ଚଳପ୍ରଚଳ ରହିଛି। କାଲି ସନ୍ଧ୍ୟାରୁ ହାତୀପଲ ଏହି ଅଞ୍ଚଳରେ ଘୂରି ବୁଲୁଥିଲେ। ରାତିରେ ଛୁଆହାତୀଟି କୂଅରେ ଖସି ଯାଇଥାଇପାରେ। ହାତୀଟିକୁ ବାହାର କରିବା ପାଇଁ ଉଦ୍ୟମ କରା ଯାଉଥିବା ବୋଲି ଫୁଲବାଣୀ ଡିଏଫ୍ଓ ଲକ୍ଷ୍ମୀକାନ୍ତ ବେହେରା କହିଛନ୍ତି। ହାତୀପଲଙ୍କ ଚଳପ୍ରଚଳକୁ ଦୃଷ୍ଟିରେ ରଖି ଗତକାଲି ସନ୍ଧ୍ୟାରୁ ବିଦ୍ୟୁତ୍ ସେବା ମଧ୍ୟ ଏହି ଅଞ୍ଚଳରେ ବିଚ୍ଛିନ୍ନ କରାଯାଇଛି।