ଶିକାଗୋ,୧୬।୧୦: ଆମେରିକାର ଶିକାଗୋରେ ଜଣେ ଶିଶୁକୁ ୩ ବର୍ଷ ପରେ ଡାକ୍ତରଖାନାରୁ ଡିସଚାର୍ଜ କରାଯାଇଛି। ଜନ୍ମରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଫ୍ରେଞ୍ଚସ୍କୋ ବ୍ରୁନୋ ନାମକ ଏହି ପିଲା ପ୍ରଥମ ଥର ପାଇଁ ତାଙ୍କ ଘର ଦେଖିଛନ୍ତି। ଚଳିତ ବର୍ଷ ଡିସେମ୍ବରରେ ସେ ତାଙ୍କ ତୃତୀୟ ଜନ୍ମଦିନ ପାଳନ କରିବେ ବୋଲି ପରିବାର ସଦସ୍ୟ ଖୁସି ଅଛନ୍ତି। ସେ ଜନ୍ମ ପରେ ଭେଣ୍ଟିଲେଟର ଥିଲେ।
ଫ୍ରେଞ୍ଚସ୍କୋ ଏକ ବିରଳ ରୋଗରେ ପୀଡିତ। ଏହାକୁ ବିଜ୍ଞାନ ଭାଷାରେ ସ୍କେଲଟେଲ୍ ଡିସପ୍ଲାସିଆ କୁହାଯାଏ। ଏହିପରି ରୋଗରେ ପୀଡିତ ଶିଶୁର ହାଡ ଏବଂ ଗଣ୍ଠି ସଠିକ ଭାବରେ ବିକଶିତ ହୁଏ ନାହିଁ। ଜନ୍ମ ପରେ ଡାକ୍ତରମାନେ କହିଥିଲେ ଯେ, ସେ ୩୦ ଦିନ ପର୍ଯ୍ୟନ୍ତ ବଞ୍ଚିପାରିବେ ନାହିଁ। କିନ୍ତୁ ପରେ ଡାକ୍ତରଙ୍କ କଠିନ ପରିଶ୍ରମ ଫଳପ୍ରାପ୍ତ ହେଲା ଏବଂ ଆଜି ସେ ବହୁତ ସାହସର ସହିତ ଏହି ରୋଗ ସହ ଲଢୁଛନ୍ତି।
ଗତ କିଛି ସପ୍ତାହ ଧରି ତାଙ୍କ ମାତାପିତାଙ୍କୁ କିପରି ଯତ୍ନ ନେବେ ସେ ବିଷୟରେ ତାଲିମ ଦିଆଯାଇଛି। ଫ୍ରେଞ୍ଚସ୍କୋ ମା’ ପ୍ରିସ୍କିଲା ବ୍ରୁନୋ ଫକ୍ସ କହିଛନ୍ତି, ସେମାନେ ବହୁତ ଖୁସି ଅଛନ୍ତି। ପୁଅକୁ ଘରେ ସ୍ବାଗତ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଆଜି ଆମ ପାଇଁ ଏକ ଭାବପ୍ରବଣ ମୁହୂର୍ତ୍ତ।
