ଛତ୍ରପୁର,୧୯।୧୧(ସନ୍ତୋଷ ପାଢ଼ୀ, ଦିଲ୍ଲୀପ ସାମଲ): ଗଞ୍ଜାମ ଜିଲା ଚମାଖଣ୍ଡି ଥାନା ଅନ୍ତର୍ଗତ ବଡ଼ ପଦର ନିକଟ ଜାତୀୟ ରାଜପଥରୁ ରବିବାର ସକାଳେ ଏକ ଗୋରୁ ମାଂସ ବୋଝେଇ ଗାଡି ଜବତ ହୋଇଛି।
ସୂଚନାଯୋଗ୍ୟ, ଏକ ଗୋରୁ ମାଂସ ବୋଝେଇ ଗାଡ଼ି ବ୍ରହ୍ମପୁର ଅଭିମୁଖେ ଯାଉଥିବା ଖବର ପାଇ ବାଲୁଗାଁରୁ ବଜରଙ୍ଗ ଦଳ ଉକ୍ତ ଗାଡିକୁ ପିଛା କରିଥିଲେ। ଚମାଖଣ୍ଡି ଥାନା ଅଧୀନ ବଡ଼ ପଦର ନିକଟ ଜାତୀୟ ରାଜପଥରେ ଉକ୍ତ ଗାଡିକୁ ଅଟକାଇବାରେ ସେମାନେ ସକ୍ଷମ ହୋଇଥିଲେ । ତେବେ ଉକ୍ତ ଗାଡିର ଚାଳକ ଓ ହେଲ୍ପର ଫେରର ହୋଇଯାଇଛନ୍ତି। ଖବର ପାଇ ଚମାଖଣ୍ଡି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଗାଡି ( ଓଡି ୦୫ ବି ଏଲ୍୯୯୨୧)ଟି କୁ ଜବତ କରି ଥାନାକୁ ନେଇଛି ଏସମ୍ପର୍କରେ ବଜରଙ୍ଗ ଦଳ ପକ୍ଷରୁ ଚମାଖଣ୍ଡି ଥାନାରେ ଏତଲା ଦିଆଯାଇଛି।