ବାରିପଦା ଅଫିସ,୧୭।୫: ମୟୂରଭଞ୍ଜ ଜିଲା ଡୁକୁରା ରେଞ୍ଜ ଅଧୀନ ପାଟଶାଣିପୁର ନିକଟ କାଶିକୁଣ୍ଡଳ ଗ୍ରାମରେ ସୋମବାର ବନବିଭାଗ ଚଢ଼ାଉ କରି ୧୦ କିଲୋ ବାର୍ହା ମାଂସ ଜବତ କରିଛି। ଏହି ଘଟଣାରେ ଜଣେ ଶିକାରୀ ଗିରଫ ହୋଇଛନ୍ତି। ସେ ହେଲେ ଶ୍ରୀହରି ନାଏକ। ତାଙ୍କଠାରୁ ଏକ ସାଇକେଲ, ଫାଶ, କଟୁରୀ, ଟର୍ଚ୍ଚ ଲାଇଟ୍ ଓ ମୋବାଇଲ ଫୋନ ଜବତ ହୋଇଛି।
ମିଳିଥିବା ସୂଚନା ମୁତାବକ, ଶ୍ରୀହରି ଏକ ବାର୍ହା ଶିକାର କରି ଘରକୁ ଆଣିଥିଲେ। ଘରେ ବାର୍ହା ମାଂସ କାଟି ରଖିଥିଲେ। ଏପରି କି ରୋଷେଇ ପାଇଁ ଚାଲିିଥିଲା ଆୟୋଜନ। ହେଲେ କୋଣସି ସୂତ୍ରରୁ ଖବର ପାଇ ବନ ବିଭାଗ ଗାଁରେ ଚଢାଉ କରିଥିଲା। ଚଢାଉ ବେଳେ ବନ କର୍ମଚାରୀ ୧୦ କେଜି ବାର୍ହା ସାଂସ ଜବତ କରିଥିଲେ। ବାର୍ହା ଶିକାର ଅଭିଯୋଗରେ ବନ ବିଭାଗ ଶ୍ରୀହରିଙ୍କ ନାମରେ ଏକ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି।