ନୂଆଦିଲ୍ଲୀ,୯।୪: କରୋନା ମହାମାରୀ ଯୋଗୁ କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ) ଷ୍ଟାଡିୟମରେ ଇଣ୍ଡିଆନ ପ୍ରିମିୟର ଲିଗର ୧୪ତମ ସିଜିନର ମ୍ୟାଚକୁ କଭର୍ କରିବାକୁ ଗଣମାଧ୍ୟମକୁ ଅନୁମତି ଦିଆଯିବ ନାହିଁ। କିନ୍ତୁ ଅବସ୍ଥା ସୁଧୁରିଲେ ଏହି ନିୟମ ଉଠାଇଦିଆଯିବ ବୋଲି କୁହାଯାଇଛି। ସ୍ବାସ୍ଥ୍ୟ ନିରାପତ୍ତାକୁ ଦୃଷ୍ଟିରେ ରଖି ଏଭଳି ନିଷତ୍ତି ନିଆଯାଇଛି। ଏଥର ଏହି ଲୋକପ୍ରିୟ ଟି -୨୦ ଲିଗ ଦର୍ଶକଙ୍କ ବିନା ଅନୁଷ୍ଠିତ ହେଉଛି।
ବିସିସିଆଇ ପ୍ରତ୍ୟେକ ମ୍ୟାଚ ପରେ ଭର୍ଚୁଆଲ ଖବରଦାତା ସମ୍ମିଳନୀ ସୁବିଧା ଯୋଗାଇବ। ଆଇପିଏଲ ଶୁକ୍ରବାର ଡିଫେଣ୍ଡିଂ ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ମ୍ୟାଚ ଆରମ୍ଭ ହେବ। କରୋନା ଜୀବାଣୁ ମହାମାରୀ ହେତୁ ଆଇପିଏଲ ୨୦୧ ର ସମସ୍ତ ମ୍ୟାଚ ଭାରତର କେବଳ୬ଟି ସହର – ଦିଲ୍ଲୀ, ମୁମ୍ବାଇ, କୋଲକାତା, ଚେନ୍ନାଇ, ବେଙ୍ଗାଲୁର ଏବଂ ହାଇଦ୍ରାବାଦରେ ଖେଳାଯିବ। ଏହି ଟୁର୍ନାମେଣ୍ଟର ଅନ୍ତିମ ମ୍ୟାଚ ମେ ୩୦ରେ ଖେଳାଯିବ। ଚଳିତ ବର୍ଷ କୌଣସି ଦଳ ଟୁର୍ନାମେଣ୍ଟରେ ନିଜ ଘରୋଇ ଗ୍ରାଉଣ୍ଡର ଲାଭ ପାଇବେ ନାହିଁ।
