ନୂଆଦିଲ୍ଲୀ,୩୧।୮: ଘରୋଇ ଟି-୨୦ ଲିଗ ଆଇପିଏଲ ପାଇଁ ବିସିସିଆଇ ବଡ ପ୍ରସ୍ତୁତି କରୁଛି। ଆଇପିଏଲ୍ର ପରବର୍ତ୍ତୀ ସିଜିନରୁ ୮ ଟିମ୍ ବଦଳରେ ୧୦ଟି ଟିମ୍ ଭାଗ ନେବେ। ବୋର୍ଡ ଏକ ଦଳର ମୂଳ ମୂଲ୍ୟ ପ୍ରାୟ ୨ ହଜାର କୋଟି ଟଙ୍କା ରଖିଛି। ଏଭଳି ପରିସ୍ଥିତିରେ ସେ ୨ ଟିମରୁ ପ୍ରାୟ ୫ ହଜାର କୋଟି ଟଙ୍କା ପାଇପାରିବେ। ଏହାଦ୍ୱାରା ବିସିସିଆଇ ମାଲାମାଲ ହେବ। ଆସନ୍ତା ସିଜିନରୁ ୬୦ ବଦଳରେ ୭୪ଟି ମ୍ୟାଚ ଖେଳାଯିବ। ଚଳିତ ସିଜନର ଅବଶିଷ୍ଟ ୩୧ଟି ମ୍ୟାଚ ୧୯ ସେପ୍ଟେମ୍ବରରୁ ୟୁଏଇରେ ଅନୁଷ୍ଠିତ ହେବ।
ନିକଟରେ ଆଇପିଏଲ ପରିଚାଳନା ପରିଷଦର ବୈଠକରେ ଆୟୋଜନ ପ୍ରକ୍ରିୟା ଚୂଡାନ୍ତ ହୋଇଥିଲା। ଏହା ଅନୁଯାୟୀ, ଯେକୌଣସି କମ୍ପାନୀ ୭୫ କୋଟି ଟଙ୍କା ଦେଇ ବିଡିଂ ଡକ୍ୟୁମେଣ୍ଟ କିଣି ପାରିବେ। ପୂର୍ବରୁ ୨ଟି ନୂଆ ଦଳର ମୂଳ ମୂଲ୍ୟ ୧୭୦୦ କୋଟିରେ ରଖିବାକୁ ବିଚାର କରାଯାଉଥିଲା, କିନ୍ତୁ ବର୍ତ୍ତମାନ ଏହାର ମୂଳ ମୂଲ୍ୟ ୨୦୦୦ କୋଟି ଟଙ୍କାକୁ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ଯଦି ବିଡିଂ ପ୍ରକ୍ରିୟା ଯୋଜନା ଅନୁଯାୟୀ ଚାଲିଥାଏ, ତେବେ ବିସିସିଆଇରେ ଅତି କମରେ ୫୦୦୦ କୋଟି ଟଙ୍କା ଲାଭ ହେବ କାରଣ ଅନେକ କମ୍ପାନୀ ବିଡିଂ ପ୍ରକ୍ରିୟାରେ ଆଗ୍ରହ ଦେଖାଉଛନ୍ତି। ବିସିସିଆଇ ଅତିକମରେ ୫୦୦୦ କୋଟି ଟଙ୍କା ଆଶା କରୁଛି। ଏହା ଜାଣିବାକୁ ମିଳିଛି ଯେ କେବଳ ୩୦୦୦ କୋଟି କିମ୍ବା ତା’ଠାରୁ ଅଧିକ ବାର୍ଷିକ କାରବାର କରୁଥିବା କମ୍ପାନୀମାନଙ୍କୁ ବିଡିଂ ପ୍ରକ୍ରିୟାରେ ଭାଗ ନେବାକୁ ଅନୁମତି ଦିଆଯିବ। କେବଳ ଏତିକି ନୁହେଁ, ବିସିସିଆଇ ମଧ୍ୟ ଏକ କମ୍ପାନୀକୁ ଦଳ କିଣିବାକୁ ଅନୁମତି ଦେବାକୁ ଯୋଜନା କରୁଛି। ଏହା ବିଡିଂ ପ୍ରକ୍ରିୟାକୁ ଅଧିକ ଆକର୍ଷଣୀୟ କରିବ।