ଏକ ଛୁଆ ଭାଲୁ ମୁହଁରେ ପ୍ଲାଷ୍ଟିକ ବୋତଲ ପସିଯାଇଥିଲା। ଭାଲୁଟି ବୋତଲକୁ ବାହାର କରିବାକୁ ବହୁ ଚେଷ୍ଟା କରୁଥିଲେ ମଧ୍ୟ ସେଥିରେ ସେ ସଫଳ ହୋଇ ନଥିଲା। ଫଳରେ ଭାଲୁଟି ଅସୁବିଧାର ସମ୍ମୁଖୀନ ହୋଉ ପାଣିରେ ଭାସୁଥିଲା। ଏହି ସମୟରେ ଏକ ପରିବାର ମାଛ ଧରୁଥିବା ବେଳେ ଭାଲୁ ଛୁଆଟିକୁ ଦେଖିଥିଲେ। ପରେ ସେମାନେ ଡଙ୍ଗାରେ ଭାଲୁ ନିକଟକୁ ଯାଇ ତା’ ମୁହଁରୁ ପ୍ଲାଷ୍ଟିକ ବୋତଲଟିକୁ ବାହାର କରିଥିଲେ। ଏହି ଘଟଣାଟି ହେଉଛି ଆମେରିକାର ଓ୍ବିସ୍କୋସିନ୍ ରାଜ୍ୟର। ଏହି ଭିଡିଓଟିକୁ ୯ ଲକ୍ଷରୁ ଅଧିକ ଲୋକ ଦେଖିଲେଣି।