ପଶୁମାନେ ପ୍ରାୟତଃ ପିଲାମାନଙ୍କ ପରି ବ୍ୟବହାର ଦେଖାଇଥାନ୍ତି। ପିଲାଙ୍କ ପରି ଏମାନେ ଥଟ୍ଟମଜା କରୁଥିବା ଦେଖିବାକୁ ମିଳେ। ବେଳେବେଳେ ସେମାନେ ପିଲାମାନଙ୍କର ଦୋଳି ଉପଭୋଗ କରିବାକୁ ଚାହିଁଥାନ୍ତି। ଲୋକମାନେ ଏହି ପଶୁମାନଙ୍କର ଶୈଳୀକୁ ବହୁତ ପସନ୍ଦ କରନ୍ତି, ଯେଉଁଥିପାଇଁ ଆନିମଲ ଓ୍ବାଲର୍ଡ ସହିତ ଜଡ଼ିତ ଭିଡିଓ ସୋସିଆଲ ମିଡିଆରେ ଶେୟାର କରାଯାଇଥାଏ।
@buitengebieden ନାମକ ଟୁଇଟର ପେଜ୍ରେ ଶେୟାର ହୋଇଥିବା ଏକ ଭିଡିଓରେ ଏକ ଭାଲୁର କାରନାମା ଦେଖିଲେ ହସିହସି ଗଡ଼ିବେ। ଭାଲୁଟି ଏକ ପୁରୁଣା ସ୍ଲାଇଡ୍ରେ ମଜା କରୁଥିବାର ଦେଖିବାକୁ ମିଳିଛି। ସ୍ଲାଇଡ୍ଟି ଭାଲୁ ପାଇଁ ଫିଟ୍ ନ ଥିଲା। ଭାଲୁ ଧୀରେ ଧୀରେ ସ୍ଲାଇଡ୍ ଧରି ତଳକୁ ଓହ୍ଲାଉଥିବାର ଭିଡିଓରେ ଦେଖିବାକୁ ମିଳିଛି।
ଏକ ପୁରୁଣା ପାର୍କରେ ଭାଲୁର ଏହି ସ୍ଲାଇଡ୍ ଭିଡିଓକୁ ଲୋକମାନେ ବହୁତ ପସନ୍ଦ କରିଛନ୍ତି। ଏହାର କାରଣ ହେଉଛି ଏହି ଭିଡିଓଟି ଗୋଟିଏ ଦିନରେ ୨୫ ଲକ୍ଷରୁ ଅଧିକ ଭ୍ୟୁ ଏବଂ ୮୭ ହଜାରରୁ ଅଧିକ ଲାଇକ୍ ପାଇଛି। ଭାଲୁର ମଜା ଦେଖି ସମସ୍ତେ ସେମାନଙ୍କର ପିଲାଦିନକୁ ହିଁ ମନେ ପକାଇବେ। ପିଲାମାନେ ପାର୍କ ଦେଇ ଯିବା ମାତ୍ରେ ସ୍ଲାଇଡ୍ ଉପଭୋଗ ନ କରି ଆଗକୁ ବଢ଼ନ୍ତି ନାହିଁ। ଭାଲୁ ମଧ୍ୟ ପିଲାଙ୍କ ପରି ସ୍ଲାଇଡ୍ ଉପରୁ ତଳକୁ ଓହ୍ଲାଇଲା। ଖସିଯିବାର ଭୟ ମଧ୍ୟ ଥିଲା। ସେଥିପାଇଁ ଦୁଇ ହାତରେ ସ୍ଲାଇଡ୍ ଧରି ଧୀରେ ଧୀରେ ଓହ୍ଲାଉଥିବା ଭିଡିଓରେ ଦେଖିବାକୁ ମିଳିଛି।