ଘନକଳା ତଥା ମୁଲାୟମ କେଶ ପାଇବାକୁ ଚାହୁଁଥିଲେ ଖରାଦିନେ ମିଳୁଥିବା ଫଳ ସବୁ ନିଶ୍ଚୟ ଖାଆନ୍ତୁ…
ଖରାଦିନିଆ ଫଳରୁ ସୌନ୍ଦର୍ଯ୍ୟ
ଖରାଦିନେ ମିଳୁଥିବା ବିଭିନ୍ନ ପ୍ରକାରର ଷ୍ଟ୍ରବେରୀ, ବ୍ଲୁବେରୀ, କ୍ରାନବେରୀ ଆଦି ବିଭିନ୍ନ ପ୍ରକାରର ଫଳରେ ଭିଟାମିନ୍ ସି ଏବଂ ଆଣ୍ଟି ଅକ୍ସିଡାଣ୍ଟ ଆଦି ପ୍ରଚୁର ମାତ୍ରାରେ ରହିଛି। ତେଣୁ ଏହା କେଶକୁ ମଜଭୁତ କରିବା ସହିତ ମୁଲାୟମ କରିଥାଏ।
ଆପଣଙ୍କର କେଶ ଯଦି ଅଧିକ ପରିମାଣରେ ଝଡି ଯାଉଛି ତେବେ ଆପଣ କନ୍ଦମୂଳ ନିଶ୍ଚୟ ଖାଆନ୍ତୁ। ଏଥିରେ ଥିବା କେରୋଟିନ୍ ଭିଟାମିନ୍ ଏ’ରେ ପରିଣତ ହୋଇ କେଶକୁ ମଜଭୁତ କରିଥାଏ।
ଅମୃତଭଣ୍ଡାରେ ଭିଟାମିନ୍ ଏ ଓ ଫଲିକ୍ ଏସିଡ୍ ରହିଛି। ତେଣୁ ଏହାକୁ ଖାଇବା ଫଳରେ କେଶ ଝଡ଼ିବା ବହୁ ମାତ୍ରାରେ କମ୍ ହୋଇଥାଏ। ତେବେ ପାଚିଲା ଅମୃତଭଣ୍ଡାକୁ ଆପଣ ଚାହିଁଲେ ପେଷ୍ଟ କରି କେଶରେ ଲଗାଇପାରିବେ।
କେଶକୁ ସୁନ୍ଦର ଏବଂ ମୁଲାୟମ କରିବାକୁ ଚାହୁଁଥିଲେ ଅଣ୍ଡା ନିଶ୍ଚୟ ଖାଆନ୍ତୁ। ଏଥିରେ ଥିବା ପ୍ରୋଟିନ୍ ଏବଂ ଭିଟାମିନ୍ କେଶ ବୃଦ୍ଧି କରିବାରେ ସାହାଯ୍ୟ କରିଥାଏ।