ନାମର ପ୍ରଥମ ଅକ୍ଷର ଜଣେ ବ୍ୟକ୍ତିର ସ୍ବଭାବ ଏବଂ ବ୍ୟକ୍ତିତ୍ୱ ଉପରେ ପ୍ରଭାବ ପକାଇଥାଏ। ତେଣୁ ଜଣେ ବ୍ୟକ୍ତିର ନାମ କେଉଁ ଅକ୍ଷରରୁ ଆରମ୍ଭ ହେଉଛି ତାହା ସବୁଠାରୁ ଗୁରୁତ୍ୱପୂର୍ଣ୍ଣ। ସବୁ ନାମର କିଛି ନା କିଛି ଅର୍ଥ ରହିଛି। ଏହି କାରଣରୁ ମା’ ବାପା ଭାବିଚିନ୍ତି ନିଜ ପିଲାର ନାମକରଣ କରିଥାନ୍ତି। କିନ୍ତୁ କେଉଁ ଅକ୍ଷରରୁ ଶିଶୁର ନାମ ଆରମ୍ଭ ହେବ ତାହା ତା’ର ରାଶିଫଳରୁ ଜଣାପଡ଼େ। ଯାହାକି ଜନ୍ମ ସମୟରୁ ନିର୍ଦ୍ଧାରିତ ହୋଇଥାଏ। ତେବେ କେଉଁ ନାମଧାରୀ ଥିବା ଯୋଡି ସର୍ବୋତ୍ତମ ଜାଣିଷ ସେ ବିଷୟରେ…
‘ଏ’ ନାମଧାରୀ ବ୍ୟକ୍ତି: ଏ ନାମଧାରୀ ବ୍ୟକ୍ତିଙ୍କ ପ୍ରତି ଅନ୍ୟମାନେ ସହଜରେ ଆକୃଷ୍ଟ ହୋଇଥାନ୍ତି। ଯେଉଁମାନଙ୍କ ନାମ ‘ଅ’ ବା ‘ଏ’ରୁ ଆରମ୍ଭ ହୋଇଥାଏ ସେମାନେ ବହୁତ ପରିଶ୍ରମୀ ଏବଂ ଧର୍ଯ୍ୟବାନ। ଜ୍ୟୋତିଷ ଶାସ୍ତ୍ର ଅନୁଯାୟୀ, ‘ଏ’ ନାମଧାରୀ ବ୍ୟକ୍ତିମାନେ ସଚ୍ଚୋଟ ହୋଇଥାନ୍ତି। ଏମାନଙ୍କର ବିବାହ ‘ପି’ କିମ୍ବା ‘କେ’ ନାମଧାରୀଙ୍କ ସହ ସର୍ବୋତ୍ତମ ହୋଇଥାଏ।
‘ବି’ ନାମଧାରୀ ବ୍ୟକ୍ତି: ଯେଉଁମାନଙ୍କ ନାମ ‘ବି’ରୁ ଆରମ୍ଭ ହୋଇଥାଏ ସେମାନେ ସେତେଟା ରୋମାଣ୍ଟିକ୍ ନୁହନ୍ତି। କିନ୍ତୁ ରୋମାନ୍ସ ସେମାନଙ୍କର ପସନ୍ଦ। କେହି ରୋମାଣ୍ଟିକ୍ ଡେଟ୍ ପ୍ଲାନ୍ କରୁ, ଏମାନଙ୍କ ସହ କେହି ସମୟ ବିତାଉ ତାହା ଏମାନଙ୍କର ପସନ୍ଦ। ଏହି ନାମଧାରୀ ବ୍ୟକ୍ତିଙ୍କ ପାଇଁ ‘ଆର୍’ ନାମଧାରୀ ବ୍ୟକ୍ତି ସର୍ବୋତ୍ତମ।
‘ଡି’ ନାମଧାରୀ ବ୍ୟକ୍ତି: ‘ଡି’ ନାମଧାରୀ ବ୍ୟକ୍ତିଙ୍କୁ ଲୋକଙ୍କ ସହ ମିଳାମିଶା, କଥାବାର୍ତ୍ତା ହେବା, ନୂଆ ବନ୍ଧୁ ବନାଇବା ବହୁତ ପସନ୍ଦ। ଏହି ଲୋକଙ୍କ ସହ ସମ୍ପର୍କ ସ୍ଥାପନ କରିବାକୁ ହେଲେ ବିନା କିଛି ଭାବି ହଁ କରିଦେବା ଉଚିତ୍। ସାଥୀଙ୍କ ଧ୍ୟାନ ରଖିବା, ସମସ୍ତ ଇଚ୍ଛା ପୂରଣ କରିବାକୁ ଏମାନେ ଭଲ ପାଆନ୍ତି। ବିବାହ ପୂର୍ବରୁ ପ୍ରେମ ପ୍ରସଙ୍ଗକୁ ଏମାନେ ସେତେ ଗୁରୁତ୍ୱ ଦେଇ ନ ଥାନ୍ତି। ଏମାନଙ୍କର ଆର୍ଥିକ ସ୍ଥିତି ଭଲ ଥାଏ, ତେଣୁ ଏମାନେ ନିଜ ସାଥୀଙ୍କୁ ସବୁବେଳେ ଖୁସିରେ ରଖିଥାନ୍ତି। ‘କେ’ ଏବଂ ‘ଏସ୍’ ନାମଧାରୀ ବ୍ୟକ୍ତିଙ୍କ ସହ ଏମାନଙ୍କର ଯୋଡି ଭଲ ଜମିଥାଏ।
‘ଏଚ୍’ ନାମଧାରୀ ବ୍ୟକ୍ତି: ଯେଉଁମାନଙ୍କ ନାମ ‘ଏଚ୍’ ଅକ୍ଷରରୁ ଆରମ୍ଭ ହୋଇଥାଏ ସେମାନେ ନିଜ ସାଥୀଙ୍କୁ ବହୁତ ଭଲ ପାଇଥାନ୍ତି। ଏମାନେ ରୋମାଣ୍ଟିକ୍ ନୁହନ୍ତି, ହେଲେ ନିଜ ସାଥୀଙ୍କର କେଉଁଥିରେ ଅଭାବ ରଖନ୍ତି ନାହିଁ। ତାହା ପ୍ରେମ ଜନିତ ହେଉ ଅବା ଶାରୀରିକ ସମ୍ପର୍କ। ଏହି କାରଣରୁ ସାଥୀ ଏମାନଙ୍କ କମ୍ପାନିକୁ ପସନ୍ଦ କରନ୍ତି। ଏମାନଙ୍କ ସମ୍ପର୍କ ‘ଏମ୍’ ଏବଂ ‘ଏଲ୍’ ନାମଧାରୀ ବ୍ୟକ୍ତିଙ୍କ ସହ ଭଲ ଜମିଥାଏ।
