ସାଉଥାମ୍ପଟନ, ୧ା୮ (ପି.ଟି.)- ଇଂଲଣ୍ଡର ବିଶ୍ୱକପ୍ ଦଳରୁ ଯେତେବେଳେ ସେ ଶେଷ ମୁହୂର୍ତ୍ତରେ ବାଦ୍ ପଡ଼ିଲେ କ୍ରିକେଟ ଖେଳ ପ୍ରତି ତାଙ୍କର ଭଲ ପାଇବା କମି ଯାଇଥିଲା ବୋଲି କହିଛନ୍ତି ଇଂଲଣ୍ଡ ପେସ୍ ବୋଲର ଡେଭିଡ୍ ଓ୍ବିଲି। ମାତ୍ର ଗୁରୁବାର ଆୟର୍ଲାଣ୍ଡ ବିପକ୍ଷ ପ୍ରଥମ ଅନ୍ତର୍ଜାତୀୟ ଦିନିକିଆରେ ପ୍ରଥମ ୫ ଉଇକେଟ ସଫଳତା ପରେ ତାଙ୍କ ଭାବନାରେ ପରିବର୍ତ୍ତନ ଘଟିଥିଲା। ଆଗକୁ ଏହାଠାରୁ ବଡ଼ ସଫଳତା ହାସଲ କରିପାରବେ ବୋଲି ସେ ଦୃଢତାର ସହିତ କହିଛନ୍ତି। ଏହି ୩୦ବର୍ଷୀୟ ପେସ୍ ବୋଲର ୪୭ ଅନ୍ତର୍ଜାତୀୟ ଦିନିକିଆରୁ ୫୭ ଉଇକେଟ ଅକ୍ତିଆର କରିଛନ୍ତି। ଗତ ବିଶ୍ୱକପ୍ରେ ତାଙ୍କ ବଦଳରେ ଜୋଫ୍ରା ଆର୍ଚରଙ୍କୁ ଦଳରେ ନିଆଯାଇଥିଲା। ତାଙ୍କୁ ଆହୁରି ମଧ୍ୟ ଗତ ଶୀତଋତୁରେ ଦକ୍ଷିଣ ଆଫ୍ରିକା ଏବଂ ନ୍ୟୁଜିଲାଣ୍ଡ ବିପକ୍ଷ ସୀମିତ ଓଭର ସିରିଜ ଟୁର୍ରୁ ବାଦ୍ ଦିଆଯାଇଥିଲା। ଆବୁଧାବୀ ଟି୧୦ରେ ତାଙ୍କ ପ୍ରଦର୍ଶନ ମଧ୍ୟ ନୈରାଶ୍ୟଜନକ ଥିଲା। ମାତ୍ର କରୋନାଭାଇରସ୍ ପାଇଁ ଖେଳକୁ କିଛି ମାସ ପାଇଁ ସସ୍ପେଣ୍ଡ ରଖାଯିବାରୁ ଏହା ତାଙ୍କୁ ସଫଳ ପ୍ରତ୍ୟାବର୍ତ୍ତନ ଦିଗରେ ବିଶେଷ ସହାୟକ ହୋଇଥିଲା। ଫଳସ୍ବରୂପ ଗୁରୁବାର ଆୟର୍ଲାଣ୍ଡ ବିପକ୍ଷ ଅନ୍ତର୍ଜାତୀୟ ଦିନିକିଆରେ ସେ ୬ଟି ଉଇକେଟ ଅକ୍ତିଆର କରିବାରେ ସମର୍ଥ ହୋଇ ପାରଛନ୍ତ