ହାଇଦ୍ରାବାଦ୍,୧୨୬।୧୧: ନଭେମ୍ବର ୩୦ରେ ତେଲଙ୍ଗାନା ବିଧାନସଭା ନିର୍ବାଚନ ପାଇଁ ଭୋଟ ଗ୍ରହଣ ହେବ। ଏହାପୂର୍ବରୁ ଏଠାରେ ଭାଜପା ଜୋରଦାର ପ୍ରଚାର କରୁଛି। ଭାଜପାର ସାଧାରଣ ସଭାରେ ସମ୍ବୋଧିତ କରିବା ପାଇଁ ପ୍ରଧାନମନ୍ତ୍ରୀ ମୋଦି ମେଡକ ଏବଂ ଟୁପ୍ରାନରେ ପହଞ୍ଚିଥିଲେ। ସେ କଂଗ୍ରେସ ଏବଂ ଶାସକ ଭାରତ ରାଷ୍ଟ୍ର ସମିତି (ବିଆରଏସ)କୁ ଟାର୍ଗେଟ୍ କରିଥିଲେ। ସେ କହିଛନ୍ତି, ଦୁଇ ଦଳ ମଧ୍ୟରେ କୌଣସି ପାର୍ଥକ୍ୟ ନାହିଁ। କଂଗ୍ରେସ ଦେଶରେ ସୁଲତାନସାହିଙ୍କୁ ପ୍ରୋତ୍ସାହିତ କରୁଥିବାବେଳେ ବିଆରଏସ ମୁଖ୍ୟ ତଥା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ନିଜାମଶାହୀଙ୍କୁ ପ୍ରୋତ୍ସାହିତ କରୁଛନ୍ତି।
ଟୁପ୍ରାନ ସମାବେଶରେ ପ୍ରଧାନମନ୍ତ୍ରୀ ମୋଦି କହିଛନ୍ତି, କଂଗ୍ରେସ ଏବଂ ବିଆରଏସ ହେଉଛି ପରିବାରବାଦର ସବୁଠାରୁ ବଡ ପ୍ରତୀକ। ବୋଫର୍ସ ଠାରୁ ଆରମ୍ଭ କରି ହେଲିକପ୍ଟର ସ୍କାମ ପର୍ଯ୍ୟନ୍ତ ସବୁ ଜିନିଷରେ ଲାଞ୍ଚ ନେବା କଂଗ୍ରେସର ସମ୍ପୂର୍ଣ୍ଣ ରେକର୍ଡ ରହିଛି। ତେଲଙ୍ଗାନା ମୁଖ୍ୟମନ୍ତ୍ରୀ କେସିଆର୍ ମଧ୍ୟ ସ୍ବୀକାର କରିଛନ୍ତି ଯେ ତାଙ୍କ ବିଧାୟକମାନେ ୩୦% କମିଶନ ନିଅନ୍ତି। କଂଗ୍ରେସର ରାଜ ପରିବାରର ଅଧିକାଂଶ ଲୋକ ମଧ୍ୟ ଅନେକ ଦୁର୍ନୀତି ମାମଲାରେ ଜାମିନରେ ଅଛନ୍ତି। କେକେଆରଙ୍କ ପରିବାର ସଦସ୍ୟଙ୍କୁ ମଧ୍ୟ ଅନେକ ଦୁର୍ନୀତି ମାମଲାରେ ଯାଞ୍ଚ୍ କରାଯାଉଛି। ତେଣୁ ଏହି ଦୁଇ ଦଳଠାରୁ ସର୍ବଦା ଦୂରେଇ ରହିବା ଆବଶ୍ୟକ।
