ପୋଲସରା,୨୮।୧(ଡି.ଏନ୍.ଏ.): ଗଞ୍ଜାମ ଜିଲା ପୋଲସରା ଥାନା ଅଧୀନ ସୁନାରିବୁଗୁଡା ହଜ ନିକଟରେ ଶୁକ୍ରବାର ବାଇକ୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ପୋଲସରା ଥାନା ଚିରିକିପଡ଼ା ଶାସନ ଗ୍ରାମର ବାପୁନି ସାହୁ। ଯୁବକ ଜଣକ ବାଇକ୍ରେ ପୋଲସରା ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଥିବା ଅନୁମାନ କରାଯାଉଛି।
ସୂଚନାଯୋଗ୍ୟ, ଯୁବକ ଜଣକ କୌଣସି କାରଣରୁ ଭାରସାମ୍ୟ ହରାଇ ମୁଖ୍ୟ ରାସ୍ତାଠାରୁ ପ୍ରାୟ ୧୦ ଫୁଟ୍ ଖାଲ ତଳକୁ ଛିଟିକି ପଡିଥିଲେ। ଛିଟିକି ପଡିଥିବା ସ୍ଥାନଠାରୁ ପ୍ରାୟ ୧୦ ଫୁଟ୍ ତଳେ ବାଇକ୍ ପଡ଼ିଥିଲା। ଘଟଣାସ୍ଥଳରେ ପୋଲସରା ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି।
