ମୁମ୍ବାଇ: ଦୁନିଆରେ ଏପରି ବୈଜ୍ଞାନିକ ଅଛନ୍ତି, ଯେଉଁମାନେ ତାଙ୍କ ଲକ୍ଷ୍ୟ ପୂରଣ କରିବାକୁ କିଛି ବି କରିଥାନ୍ତି। ଏହାପରେ ତାଙ୍କୁ ସଫଳତା ମଧ୍ୟ ମିଳେ। ତେବେ ନିକଟରେ ଜାପାନର ଜଣେ ବୈଜ୍ଞାନିକ ଏପରି କିଛି କରିଛନ୍ତି, ଯେଉଁଥିପାଇଁ ସେ ଏବେ ଚର୍ଚ୍ଚାରେ ଅଛନ୍ତି। ସେ ୧ ବର୍ଷ ହେବ ପକ୍ଷୀର ମୁଖା ପିନ୍ଧି ଜଙ୍ଗଲରେ ରହିଛନ୍ତି। ଏହା କରିବା ପଛରେ ତାଙ୍କର ଏକ ଲକ୍ଷ୍ୟ ରହିଛି। ରିପୋର୍ଟ ମୁତାବକ, ୟୁନିଭର୍ସିଟି ଅଫ୍ ଟୋକିଓର ଆସୋସିଏଟ ପ୍ରଫେସର ତୋସିଟାକା ସୁଜୁକି ଏକ ପୋଷ୍ଟ ଶେୟାର କରିଛନ୍ତି। ଫଟୋଟି ତାଙ୍କ ସହକର୍ମୀଙ୍କର। ତେବେ ସେ ତାଙ୍କ ମୁହଁରେ ପକ୍ଷୀର ମୁଖା ପିନ୍ଧିଥିବା ଦେଖିବାକୁ ମିଳିଛି। ଏହି ଫଟୋ ନାଗୋନା ପ୍ରିଫେକ୍ଚର ଜଙ୍ଗଲର। ପ୍ରଫେସର ସୁଜୁକି କହିଛନ୍ତି ଯେ ତାଙ୍କ ସାଥୀ ପ୍ରଫେସର ପକ୍ଷୀଙ୍କ ସହିତ ସାଙ୍ଗ ହେବାକୁ ଚାହାନ୍ତି। ସେଥିପାଇଁ ସେ ଜଙ୍ଗଲକୁ ପକ୍ଷୀର ମୁଖା ପିନ୍ଧି ଯାଇଥାନ୍ତି ଏବଂ ପକ୍ଷୀଙ୍କୁ ତାଙ୍କ ପାଖକୁ ଆକର୍ଷିତ କରିଥାନ୍ତି। ସେ ୧ ବର୍ଷ ହେବ ଏପରି ପକ୍ଷୀ ମୁଖା ପିନ୍ଧି ପକ୍ଷୀଙ୍କ ପାଖକୁ ଯାଉଛନ୍ତି। ଏହା ମଧ୍ୟରେ ସେ ଜାଣିଲେ ଯେ ପକ୍ଷୀଙ୍କ ଭିତରେ କିଛି ଏପରି ପ୍ରଜାତିର ଅଛନ୍ତି, ଯେଉଁମାନେ ମଣିଷଙ୍କୁ ଚିହ୍ନି ପାରନ୍ତି। ସେତେବେଳେ ଏକ ଅଲଗା ପ୍ରକାରର ଶବ୍ଦ ବାହାର କରନ୍ତି। ସେଥିପାଇଁ ପ୍ରଫେସର ପକ୍ଷୀର ମୁଖା ପିନ୍ଧି ଜଙ୍ଗଲକୁ ଆସନ୍ତି। ଏପରି କରି ପକ୍ଷୀଙ୍କ ସହିତ ସାଙ୍ଗ ହୋଇ ତାଙ୍କ ଶବ୍ଦକୁ ଅଧ୍ୟୟନ କରିବାକୁ ଚାହାନ୍ତି। ହେଲେ ସେ ଏଥିରେ ସଫଳ ହେଲେନି। ସେ ପକ୍ଷୀଙ୍କ ମୁଖା ପିନ୍ଧି ଯେତେବେଳେ ସେମାନଙ୍କ ପାଖକୁ ଯାଆନ୍ତି, ସେତେବେଳେ ସେମାନେ ତାଙ୍କୁ ଚିହ୍ନି ପାରି ଚିନ୍ତାଜନକ ଶବ୍ଦ ବାହାର କରନ୍ତି।