କେନ୍ଦୁଝର,୩ା୮(ସ୍ବ.ପ୍ର.): କେନ୍ଦ୍ରମନ୍ତ୍ରୀଙ୍କ ପାଖ ଲୋକ। ଚାକିରି କରାଇଦେବି। ଏଭଳି କହି ୪୦ ହଜାର ଟଙ୍କା ଠକି ନେଇଥିବା ଅଭିଯୋଗ ଆସିଛି କେନ୍ଦୁଝର ଜିଲା ଭାଜପା ସମ୍ପାଦକ ଜ୍ଞାନରଞ୍ଜନ ସାମନ୍ତ ସିଂହାରଙ୍କ ନାଁରେ। ଆନନ୍ଦପୁର ଥାନାରେ ଏହି ମାମଲା(ନଂ.୧୫୬/୨୧) ରୁଜୁ ହୋଇଛି। ତଦନ୍ତ ପରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଥାନା ଅଧିକାରୀ ମନୋରଞ୍ଜନ ପ୍ରଧାନ।
ଅଭିଯୋଗ ଅନୁଯାୟୀ, ୨୦୧୯ରେ ଚାକିରି କରାଇଦେବାକୁ କହି ମହେଶ୍ୱର ସାହୁ (୪୦ ହଜାର ଟଙ୍କା) ଓ ଶକ୍ତିପ୍ରସାଦ ନାଥ (୨୦ହଜାର)ଙ୍କଠାରୁ ଟଙ୍କା ନେଇଥିଲେ ଭାଜପା ସମ୍ପାଦକ ଜ୍ଞାନରଞ୍ଜନ। ଅନ୍ୟପକ୍ଷେ ଏଭଳି ଅଭିଯୋଗକୁ ଅସ୍ବୀକାର କରି ସବୁ ପ୍ରକାର ତଦନ୍ତର ସମ୍ମୁଖୀନ ହେବାକୁ ପ୍ରସ୍ତୁତ ବୋଲି ଜ୍ଞାନରଞ୍ଜନ କହିଛନ୍ତି।
