ଭୋପାଳ,୨୩।୧୦: ମଧ୍ୟପ୍ରଦେଶ ବିଧାନସଭା ନିର୍ବାଚନରେ ରାଜନୈତିକ ଦଳ ଦ୍ୱାରା ପ୍ରାର୍ଥୀଙ୍କ ନାମ ଘୋଷଣା ପ୍ରକ୍ରିୟା ଜାରି ରହିଛି। ରାଜ୍ୟର ମୁଖ୍ୟ ଦଳଗୁଡିକ ବିଷୟରେ ଆଲୋଚନା କରି ଭାଜପା ଏପର୍ଯ୍ୟନ୍ତ ୨୩୦ଟି ଆସନ ମଧ୍ୟରୁ ୨୨୮ଟି ପ୍ରାର୍ଥୀ ଦେଇଥିବାବେଳେ କଂଗ୍ରେସ ମଧ୍ୟ ୨୨୯ ପ୍ରାର୍ଥୀଙ୍କ ନାମ ଘୋଷଣା କରିଛି। ଏଠାରେ ଯେଉଁମାନେ ଟିକେଟ ନେଉଛନ୍ତି ସେମାନେ ଖୁସି ବ୍ୟକ୍ତ କରୁଥିବାବେଳେ ଯାହାର ଟିକେଟ କଟାଯାଉଛି ସେମାନେ ଦୁଃଖ ପ୍ରକାଶ କରୁଛନ୍ତି। ଏଭଳି ଏକ ଭିଡିଓ ସୋସିଆଲ ମିଡିଆରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ଘର ଜିଲା ସେହୋରର ଆସୁଛି। ଟିକେଟ କଟାଯିବା ପରେ ଭାଜପା ବିଧାୟକ ରଘୁନାଥ ସିଂ ମାଲବ୍ୟ କାନ୍ଦୁଥିବାର ଭିଡିଓରେ ଦେଖାଯାଇଛି। ସେହୋରରେ ଚାରୋଟି ବିଧାନସଭା ଆସନ ଅଛି। ଯେଉଁଥିରେ ବୁଦ୍ଧନି, ସେହୋର, ଅଷ୍ଟା ଏବଂ ଇଚାୱାର ଅନ୍ତର୍ଭୁକ୍ତ। ଚାରିଟି ବିଧାନସଭା ଆସନ ପାଇଁ ପ୍ରାର୍ଥୀଙ୍କ ନାମ ଭାଜପା-କଂଗ୍ରେସ ଘୋଷଣା କରିଛି। ଅଷ୍ଟା ବିଧାନସଭାରେ ବର୍ତ୍ତମାନ ଭାଜପା ବିଧାୟକ ରଘୁନାଥ ସିଂ ମାଲବ୍ୟଙ୍କ ଟିକେଟ କାଟି କଂଗ୍ରେସରୁ ଭାଜପାରେ ଯୋଗ ଦେଇଥିବା ଜିଲା ପଞ୍ଚାୟତ ସଭାପତି ଗୋପାଳ ସିଂ ଇଞ୍ଜିନିୟରଙ୍କୁ ଦଳ ପ୍ରାର୍ଥୀ କରିଛି। ଟିକେଟ ବଣ୍ଟନ ପରେ ଅଷ୍ଟା ବିଧାନସଭାରେ ଭାଜପା ମଧ୍ୟରେ ଗୋଷ୍ଠୀ କନ୍ଦଳ ଦେଖାଦେଇଛି। ରଘୁନାଥଙ୍କ ସମର୍ଥିତ ଏକ ଗୋଷ୍ଠୀ ବୈଠକ କରିଥିଲେ। ଏଥିଲେ ରଘୁନାଥଙ୍କୁ ସ୍ବାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ରଣନୀତି ପ୍ରସ୍ତୁତ କରାଯାଇଥିଲା। ଏହି ବୈଠକରେ ବିଧାୟକ ରଘୁନାଥ ସିଂ ମାଲବ୍ୟ ସମସ୍ତଙ୍କୁ ସମ୍ବୋଧିତ କରୁଥିଲେ ଏବଂ ଏହି ସମୟରେ ସେ କାନ୍ଦିଥିଲେ।
ସଭାକୁ ସମ୍ବୋଧିତ କରି ବିଧାୟକ ରଘୁନାଥ କହିଛନ୍ତି ଯେ, ଏଥର ଦଳ ଆମର ଆଦର୍ଶ ସହ ମେଳ ଖାଉ ନ ଥିବା ବ୍ୟକ୍ତିଙ୍କୁ ଟିକେଟ ଦେଇଛି। ଏହା ଆଦୌ ଆଦର୍ଶର କଥା ନୁହେଁ। ମୁଁ ଜନସାଧାରଣଙ୍କ ପାଇଁ ସଚ୍ଚୋଟ ଭାବରେ କାର୍ଯ୍ୟ କରିବାକୁ ଚେଷ୍ଟା କରିଛି। କିନ୍ତୁ ଦଳ କଂଗ୍ରେସର ବ୍ୟକ୍ତିଙ୍କୁ ଟିକେଟ ଦେଇଛି।
टिकट कटने पर फूट-फूटकर रोए भाजपा विधायक
– निर्दलीय चुनाव लडऩे का ठोका दावा
– बीजेपी से रहे दो बार विधायक @ABPNews @abplive pic.twitter.com/fOSBhB8R6J— Nitinthakur (Abp NEWS) (@Nitinreporter5) October 23, 2023
