ଲକ୍ଷ୍ନୌ,୨୩।୮: ଆଜିକାଲି ଉତ୍ତରାଖଣ୍ଡରେ ୟମକେଶ୍ୱର ବିଧାନସଭା ନିର୍ବାଚନମଣ୍ଡଳୀରୁ ଭାଜପା ବିଧାୟକ ରେଣୁ ବିଷ୍ଟର ଏକ ସୋସିଆଲ ମିଡିଆ ପୋଷ୍ଟ ଭାଇରାଲ ହେବାରେ ଲାଗିଛି। ଏଥିରେ ସେ ନିଜ ପାର୍ଟି ଉପରେ ପ୍ରଶ୍ନ ଉଠାଉଥିବା ନଜର ଆସିଛନ୍ତି। ଏହାକୁ ନେଇ ଉତ୍ତରାଖଣ୍ଡ ରାଜନୀତି ସରଗରମ ହୋଇଛି। ସୋସିଆଲ ମିଡିଆ ପୋଷ୍ଟ ପାଇଁ ରେଣୁ ବିଷ୍ଟଙ୍କଠାରୁ ରାଜ୍ୟ ସଭାପତି ମହେନ୍ଦ୍ର ଭଟ୍ଟ ସ୍ପଷ୍ଟୀକରଣ ମାଗିଛନ୍ତି।
ନିକଟରେ ପୌଢିର ୟମକେଶ୍ୱର ବିଧାନସଭାର ବିଧାୟକ ରେଣୁ ବିଷ୍ଟ ତାଙ୍କ ଅଞ୍ଚଳର ଲୋକଙ୍କୁ ଭେଟିବାକୁ ଆସିଥିଲେ। ଏହା ପରେ ସେ ସୋସିଆଲ ମିଡିଆରେ ତାଙ୍କ ସଭାର ଭିଡିଓ ଶେୟାର କରି ଲେଖିଛନ୍ତି ଯେ, ଗତ ୨୦ ରୁ ୨୨ ବର୍ଷ ମଧ୍ୟରେ ୟମକେଶ୍ୱରବାସୀଙ୍କୁ ପ୍ରତାରଣା କରାଯାଇଛି। ଏନେଇ ଭାଜପା ରାଜ୍ୟ ସଭାପତି ମହେନ୍ଦ୍ର ଭଟ୍ଟ ତାଙ୍କ ସୋସିଆଲ ମିଡିଆ ପୋଷ୍ଟ ପାଇଁ ସ୍ପଷ୍ଟୀକରଣ ମାଗିଛନ୍ତି।
ସୂଚନାଯୋଗ୍ୟ, ଉତ୍ତରାଖଣ୍ଡ ରାଜ୍ୟ ଗଠନ ପରଠାରୁ ପୌଢିର ୟମକେଶ୍ୱର ବିଧାନସଭା ଆସନ ଭାଜପାର ଏକ ଗଡ଼ ରହିଆସିଛି। ରାଜ୍ୟ ଗଠନ ପରେ ୨୦୦୨, ୨୦୦୭ ଏବଂ ୨୦୧୨ରେ ତିନିଥର ପୂର୍ବତନ ରାଜ୍ୟ ମନ୍ତ୍ରୀ ତଥା ପୂର୍ବତନ ବିଧାନସଭା ଉପାଧ୍ୟକ୍ଷ ବିଜୟ ବର୍ଥୱାଲ ଏଠାରୁ ନିର୍ବାଚନରେ ଜିତିଥିଲେ ଏବଂ ୨୦୧୭ରେ ରିତୁ ଚାନ୍ଦୁରୀ ଏଠାରୁ ନିର୍ବାଚନରେ ଜିତିଥିଲେ। ୨୦୨୨ରେ ରେଣୁ ଏହି ଆସନ ଜିତିଛନ୍ତି।