ହାଟଡିହୀ,୨୪ା୭(ଡି.ଏନ୍.ଏ.): ନିଖୋଜ ଡାକ୍ତରୀ ଛାତ୍ରଙ୍କ ମୃତଦେହ ହଦଗଡ଼ ଡ୍ୟାମ୍ରୁ ଶନିବାର ଉଦ୍ଧାର କରାଯାଇଛିl ସେ ହେଉଛନ୍ତି କେନ୍ଦୁଝର ଜିଲା ହାଟଡିହୀ ବ୍ଲକ ଜଗନ୍ନାଥପୁର ଗ୍ରାମର ସୁରେନ୍ଦ୍ର ପାତ୍ରଙ୍କ ପୁଅ ସ୍ମାରକ(୨୩)। ଗତ ଗୁରୁବାର ଅପରାହ୍ନରେ ସ୍ମାରକ ମୋଟର ସାଇକେଲରେ ହଦଗଡ଼ ଡ୍ୟାମ୍ ବୁଲିବାକୁ ଯାଇଥିଲେ l ଘରକୁ ଫେରିବାରେ ବିଳମ୍ବ ହେବାରୁ ପରିବାର ଲୋକ ଖୋଜାଖୋଜି କରିଥିଲେ l ହଦଗଡ଼ ଡ୍ୟାମର ପ୍ରବେଶ ଫାଟକ ନିକଟରୁ ତାଙ୍କ ମୋଟର ସାଇକେଲ ମିଳିଥିଲା। ସ୍ମାରକ ଡ୍ୟାମରେ ବୁଡିଯାଇଥିବା ସନ୍ଦେହ କରି ହାଟଡିହୀ ଦମକଳ ବାହିନୀ ଦ୍ୱାରା ଖୋଜାଖୋଜି କରାଯାଇଥିଲା। ହେଲେ ତାଙ୍କର କୌଣସି ପତ୍ତା ମିଳି ନ ଥିଲା। ଶନିବାର ତାଙ୍କର ମୃତଦେହ ଡ୍ୟାମରେ ଭାସୁଥିବା ଦେଖିବାକୁ ମିଳିଛି।