ମୋରଡା,୧୧।୪(ଡି.ଏନ.ଏ.): ମୟୁରଭଞ୍ଜ ଜିଲା ରାସଗୋବିନ୍ଦପୁର ରେଞ୍ଜ ଅଧୀନ ମୋରଡା ବିଟ ଅଞ୍ଚଳର ବାଘାଝରଣ ଜଙ୍ଗଲରୁ ଏକ ହାତୀ ଛୁଆର ମୃତଦେହ ବନବିଭାଗ ଜବତ କରିଛି। ତେବେ ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, ଗତ ରବିବାର ରାତିରୁ ଉକ୍ତ ଜଙ୍ଗଲରେ ତିନି ହାତୀ ସହିତ ଉକ୍ତ ଛୁଆ ହାତୀ ବୁଲୁଥିବା ବେଳେ ସୋମବାର ସକାଳେ ମୃତ ହାତୀକୁ ଦେଖି ଲୋକେ ବନବିଭାଗକୁ ସୂଚନା ଦେଇଥିଲେ। ତେବେ ହାତୀର ମୃତ୍ୟ ପାଇଁ ସ୍ଥାନୀୟ ଲୋକେ ବନବିଭାଗର ଦାୟିତ୍ୱହୀନତାକୁ ଦାୟୀ କରିଛନ୍ତି। ଏବାବଦରେ ରାସଗୋବିନ୍ଦପୁର ରେଞ୍ଜର ମଧୁସ୍ମୀତା ଦାସ କହିଛନ୍ତି, ଉକ୍ତ ହାତୀଟି ପଶ୍ଚିମବଙ୍ଗରୁ ଆସିଥିବା ଓ ହାତୀଟି ଆନ୍ଥ୍ରାକ୍ସ ରୋଗରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥାଇପାରେ ବୋଲି କହିବାସହ ଏହାର ଅଧିକ ତଦନ୍ତ ଜାରି ରହିଛି।