ବାରିପଦା ଅଫିସ,୨୭।୯: ମୟୂରଭଞ୍ଜ ଜିଲା ବାଙ୍ଗରିପୋଷି ରେଞ୍ଜ ନାଫ୍ରି ଗ୍ରାମ୍ୟ ଜଙ୍ଗଲରେ ଏକ ହାତୀ ଶାବକର ମୃତଦେହକୁ ମଙ୍ଗଳବାର ବନବିଭାଗ ଉଦ୍ଧାର କରିଛି । ବନବିଭାଗର ଅଧିକାରୀ ଓ ଡାକ୍ତରୀ ଟିମ୍ ଘଟଣାସ୍ଥଳ ପରିଦର୍ଶନ କରି ତଦନ୍ତ କରିବା ପରେ ବ୍ୟବଚ୍ଛେଦ କରିଛନ୍ତି । ନାଫ୍ରି ଗ୍ରାମବାସୀଙ୍କ ଠାରୁ ପ୍ରକାଶ ଯେ, ଦୁଇ ତିନି ଦିନ ପୂର୍ବରୁ ହାତୀପଲଙ୍କ ମଧ୍ୟରେ ଥିବା ଏକ ହାତୀ ଶାବକର ମୃତଦେହ ପଡିଥିବା ଦେଖି ବିଭାଗକୁ ଖବର ଦେଇଥିଲେ। ହେଲେ ବିଭାଗ ପକ୍ଷରୁ କୌଣସି ଅଧିକାରୀ ଘଟଣାସ୍ଥଳକୁ ଆସିନଥିଲେ। ବାରମ୍ବାର ଜଣାଇବା ପରେ ରେଞ୍ଜରଙ୍କ ସହ କର୍ମଚାରୀମାନେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।