ବ୍ଲକ କାର୍ଯ୍ୟାଳୟରୁ ରାତ୍ରି ଜଗୁଆଳିଙ୍କ ମୃତଦେହ ଜବତ
9:02 pmOctober 2, 2023October 2, 2023 / 09

ବେତନଟୀ,୨ା୧୦(ଧରଣୀଧର ମହାନ୍ତି): ବେତନଟୀ ବ୍ଲକ କାର୍ଯ୍ୟାଳୟ ବାରଣ୍ଡାରୁ ସୋମବାର ସକାଳେ ଜଣେ ରାତ୍ରି ଜଗୁଆଳିଙ୍କ ମୃତଦେହ ପୋଲିସ ଜବତ କରିଛି। ମୃତକ ହେଲେ ବେତନଟୀ ଥାନା ଅଧୀନ ଦାନ୍ତିଆମୁଁହା ଗ୍ରାମର ବୁଧୁ ସିଂ (୩୮)।
ସୂଚନା ଅନୁଯାୟୀ, ବୁଧୁ ସିଂ ୧୨ ବର୍ଷ ହେବ ବେତନଟୀ ବ୍ଲକ କାର୍ଯ୍ୟାଳୟରେ ରାତ୍ରି ଜଗୁଆଳି ଭାବେ କାର୍ଯ୍ୟରତ ଥିଲେ। ସକାଳେ ବ୍ଲକ ବାରଣ୍ଡାରେ ସେ ମୁହଁମାଡି ପଡ଼ିଥିବା ଦେଖିବାକୁ ମିଳିଥିଲା। ଖବରପାଇ ଏସ୍‌ଡିପିଓ ସୁଦର୍ଶନ ଦାସ, ଥାନା ଆଇଆଇସି ସସ୍ମିତା ମହାନ୍ତ ପ୍ରମୁଖ ପହଞ୍ଚତ୍ ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ବ୍ଲକ କାର୍ଯ୍ୟାଳୟରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରିଛନ୍ତି। ଏ ନେଇ ଥାନାରେ ଏକ ଅପମୃତ୍ୟୁ ମାମଲା (ନଂ.୫୦/୨୩) ରୁଜୁ ହୋଇଛି। ବ୍ୟବଚ୍ଛେଦ ରିପୋର୍ଟ ଆସିଲେ ମୃତ୍ୟୁର କାରଣ ଜଣାପଡ଼ିବ ବୋଲି ପୋଲିସ କହିଛି।