ମହାକାଳପଡ଼ା,୨୪ା୯ ଡି.ଏନ.ଏ.): ଅନ୍ଧବିଶ୍ୱାସ ଓ ପୁରୁଣା ପରମ୍ପରା ଏବେ ବି ଲୋକଙ୍କ ମନରେ ବଞ୍ଚତ୍ ରହିଛି। ତା’ର ଏକ ଉଦାହରଣ ଗୁରୁବାର କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍ ଅଧୀନ ଖରିନାସୀ ଗାଁରେ ଦେଖିବାକୁ ମିଳିଛି। ସ୍ଥାନୀୟ ମାଛ ଜେଟି ନିକଟରେ ରହୁଥିବା ଶ୍ରୀଧାମ ଦାସଙ୍କ ୪ର୍ଥ ଶ୍ରେଣୀରେ ପଢ଼ୁଥିବା ଝିଅ ପ୍ରିୟା(୮)ଙ୍କ ବୁଧବାର ରାତିରେ ସାପ କାମୁଡ଼ାରେ ମୃତ୍ୟୁ ଘଟିଥିଲା। ବଙ୍ଗୀୟ ପରମ୍ପରା ଅନୁଯାୟୀ ଗୁରୁବାର ସକାଳେ ପରିବାର ସଦସ୍ୟମାନେ ଏକ କଦଳୀ ଭେଳା ତିଆରି କରାଯାଇ ପୂଜାର୍ଚ୍ଚନା କରିଥିଲେ। ପ୍ରିୟାଙ୍କ ମୃତଦେହକୁ ଭେଳାରେ ରଖି ମହାନଦୀ ଶାଖା ଗଳିଆ ନଦୀ ପାଖକୁ ନିଆଯାଇଥିଲା। ସେଠାରେ ଅନ୍ୟ ଏକ ଡଙ୍ଗାରେ କଦଳୀ ଭେଳାକୁ ହୁକିଟୋଲା ସମୁଦ୍ର ମୁହାଣରେ ଭସାଇ ଦିଆଯାଇଥିଲା। ଏହି ଅଭାବନୀୟ ଦୃଶ୍ୟକୁ ଦେଖିବାକୁ ସ୍ଥାନୀୟ ଲୋକେ ସେଠାରେ ଭିଡ଼ ଜମାଇଥିଲେ। କଦଳୀ ଭେଳାରେ ରହିଥିବା ପ୍ରିୟାଙ୍କ ମୃତଦେହ ସମୁଦ୍ର ମୁହାଣରେ ଭସାଯାଉଥିବା ବେଳେ କାନ୍ଦ ବୋବାଳିରେ ମାଛଧରା ଜେଟି ଫାଟି ପଡିଥିଲା। ପ୍ରିୟାଙ୍କ ମା’ ଚେତାଶୂନ୍ୟ ହୋଇପଡିଥିଲେ। ଏଣେ ପ୍ରିୟାଙ୍କ ମୃତଦେହକୁ ବ୍ୟବଚ୍ଛେଦ କରାଯାଇ ନ ଥିଲା ା ବଙ୍ଗୀୟ ପରମ୍ପରା ଅନୁଯାୟୀ, ସାପ କାମୁଡ଼ାରେ କାହାର ମୃତ୍ୟୁ ଘଟିଲେ ମୃତଦେହକୁ କଦଳୀ ଭେଳାରେ ରଖି ସମୁଦ୍ରରେ ଭସାଇ ଦିଆଯାଇଥାଏ। ଏଥିରେ ମା’ ମନସା ସନ୍ତୁଷ୍ଟ ହୁଅନ୍ତି। ମା’ଙ୍କ ନିକଟରେ ମୃତଦେହ ପହଞ୍ଚତ୍ଲେ ମୃତକଙ୍କ ଆତ୍ମା ଶାନ୍ତିରେ ରହିବ ବୋଲି ବିଶ୍ୱାସ ରହିଛି।