ଖଲ୍ଲିକୋଟ,୧୫।୫(ଡି.ଏନ୍.ଏ.): ପ୍ଲାଟଫର୍ମରୁ ମିଳିଲା ଯୁବକଙ୍କ ଝୁଲନ୍ତା ମୃତେଦହ । ଏଯାବତ୍ ମୃତକଙ୍କ ପରିଚୟ ମିଳିପାରି ନାହିଁ। ଏଭଳି ଘଟଣା ଘଟିଛି ଗଞ୍ଜାମ ଜିଲା ଛତ୍ରପୁର ବଡ଼ ରେଳଷ୍ଟେଶନ ପ୍ଲାଟଫର୍ମ ନମ୍ବର ୪ରେ ।
ଖବର ଅନୁଯାୟୀ, ଛତ୍ରପୁର ବଡ଼ ରେଳଷ୍ଟଶନ ପ୍ଲାଟଫର୍ମର ୪ରେ ଜଣେ ଯୁବକଙ୍କ ଝୁଲନ୍ତା ମୃତଦେହ ଦେଖିବାକୁ ମିଳିଥିଲା। ୪ ନମ୍ବର ପ୍ଲାଟଫର୍ମର ଏକ ଖୁଣ୍ଟିରେ ଗାମୁଛା ମାଧ୍ୟମରେ ଯୁବକ ଜଣଙ୍କ ଆତ୍ମହତ୍ୟା କରିଥିବା ଅନୁମାନ କରାଯାଇଛି । ଏହା ଦେଖି ତୁରନ୍ତ ସ୍ଥାନୀୟ ଲୋକେ ରେଳବାଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ମୃତଦେହକୁ ଜବତ କରିଛି । ତେବେ କେଉଁ ଭଳିସ୍ଥିତିରେ ଯୁବକ ଜଣଙ୍କ ଆତ୍ମହତ୍ୟା କରିଛନ୍ତି । କିମ୍ବା ଘଟଣା ପଛରେ କି ରହସ୍ୟ ଅଛି ତାହା ଜଣାପଡ଼ିନାହିଁ।