ହାଟଡିହୀ,୧୫l୭: କେନ୍ଦୁଝର ଜିଲା ହାଟଡିହୀ ବ୍ଲକ ଅଧୀନ ସଢା-ନାହା ନିଶାକର ନୋଡାଲ ବିଦ୍ୟାଳୟ ପରିସରରେ ଥିବା ଶୌଚାଳୟ ପାଖରୁ ମିଳିଛି ଏକ ଗଳିତ ମୃତଦେହ। ମୃତକଙ୍କ ପରିଚୟ ଜଣାପଡିନାହିଁ। ଘଟଣା ସମ୍ପର୍କରେ ଖବର ପାଇ ଗୁରୁବାର ସୋସୋ ଥାନା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ତେବେ ସ୍କୁଲ ପରିସରରେ କିଛି ଦିନ ହେଲା ମୃତଦେହ ପଡି ରହିଥିଲା। ଏହି ସଂକ୍ରାନ୍ତରେ ସ୍କୁଲ ପ୍ରଧାନ ଶିକ୍ଷକ କିପରି କିପରି ଜାଣିପାରିଲେ ନାହିଁ। ଏନେଇ ତାଙ୍କୁ ପଚରାଉଚୁରା କରାଯିବ ବୋଲି ଜିଲା ଶିକ୍ଷା ଅଧିକାରୀ କହିଛନ୍ତି। ଏହି ସମ୍ପର୍କରେ ପ୍ରଧାନ ଶିକ୍ଷକ ସୁବାଷ ଚନ୍ଦ୍ର ପ୍ରଧାନ କହିଛନ୍ତି, ବିଦ୍ୟାଳୟ ପରିସରରୁ ଦୁର୍ଗନ୍ଧ ହେବାରୁ ଏକ ମୃତଦେହ ପଡିଥିବା ଗୁରୁବାର ଜଣାପଡିଥିଲା। ଏହିବାବଦରେ ପୋଲିସକୁ ଅବଗତ କରାଇଥିଲି।