ଖୋର୍ଦ୍ଧା ଅଫିସ,୩୦।୮: ଖୋର୍ଦ୍ଧା ଜିଲା ବାଣପୁର ଥାନା ଅନ୍ତର୍ଗତ ରଘୁନାଥପୁର ଗ୍ରାମରେ ସୋମବାର ଏକ ଅଭାବନୀୟ ଘଟଣା ଘଟିଛି। ଯେଉଁ ଘରେ ଯୁବକଙ୍କ ବିବାହ ପ୍ରସ୍ତାବ ପଡ଼ିଥିଲା ସେହି ଘରର କୂଅରୁ ତାଙ୍କର ମୃତଦେହକୁ ପୋଲିସ ଉଦ୍ଧାର ହୋଇଛିି। ମୃତ ଯୁବକଙ୍କ ହେଲେ ଅଶୋକ ନାୟକ(୩୨)। ଘର ବାଣପୁର ଥାନା ଅନ୍ତର୍ଗତ ନିମୁନ ଗାଁରେ।
ସୋମବାର ସକାଳେ କୂଅରେ ଅଶୋକଙ୍କ ମୃତଦେହ ଭାସୁଥିବା ଦେଖିବାକୁ ମିଳିଥିଲା। ଖବରପାଇ ନାଚୁଣୀ ଫାଣ୍ଡି ପୋଲିସ ଉପସ୍ଥିତିରେ ଦମକଳ ବାହିନୀ ଅଶୋକଙ୍କ ମୃତଦେହକୁ କୂଅରୁ ଉଦ୍ଧାର କରିଥିଲେ। ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି।
ମିଳିଥିବା ସୂଚନା ଅନୁଯାୟୀ, କିଛି ମାସ ତଳେ ଅଶୋକଙ୍କ ଉକ୍ତ ଗାଁରେ ବିବାହ ପ୍ରସ୍ତାବ ପଡ଼ିଥିଲା। ହେଲେ ଝିଅ ଘର ଲୋକେ ଏହି ପ୍ରସ୍ତାବକୁ ଗ୍ରହଣ କରି ନଥିଲେ। ସୋମବାର ତାଙ୍କ ଘର ବା ଥିବା କୂଅରୁ ଅଶୋକଙ୍କ ମୃତଦେହ ମିଳିଛି। କନ୍ୟା ଘର ବିବାହ ଲାଗି ମନା କରିଦେଇଥିବାରୁ ସେ କୂଅରେ ଡେଇଁ ଆତ୍ମହତ୍ୟା କରିଥିବା କୁହାଯାଉଛି। ତେବେ ମୃତଦେହ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡ଼ିବ ବୋଲି ନାଚୁଣୀ ଫାଣ୍ଡି ଅଧିକାରୀ କହିଛନ୍ତି। ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।