ଚୌଦ୍ୱାର,୪ା୬(.): କଟକ ଜିଲା ଟାଙ୍ଗି ଥାନା ଅନ୍ତର୍ଗତ ଚୌଦ୍ୱାର ଇଟୁଆ ରାସ୍ତାରେ ଗାଲା ପୋଲ ତଳେ ଥିବା ବିରୂପା ନଦୀପଠାରୁ ଝୁଲନ୍ତା ମୃତ ଦେହ ଜବତ କରିଛି ଟାଙ୍ଗି ପୋଲିସ। ମୃତକ ଜଣକ ଚୌଦ୍ୱାର ତଳବଜାରର ଅର୍ଜୁନି ବେହେରା(୪୨) ବୋଲି ଜଣାପଡ଼ିଛି। ଅର୍ଜୁନି ଗତ ବୁଧବାର ଘରୁ ରାଗି ଚାଲି ଆସିଥିଲେ। ଗୁରୁବାର ତାଙ୍କ ପରିବାର ଲୋକେ ଖୋଜାଖୋଜି କରୁଥିଲେ। ତେବେ ଶୁକ୍ରବାର ସକାଳେ କେବୁଲ ତାର ସାହାଯ୍ୟରେ ଅର୍ଜୁନି ଝୁଲୁଥିବା ଖବର ପାଇ ଘଟଣାସ୍ଥଳରେ ପରିବାର ଲୋକ ପହଞ୍ଚିଥିଲେ। ଅନ୍ୟପକ୍ଷରେ ଟାଙ୍ଗି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଜାରି ରଖିଛି।