ପାଟଣା,୧୧।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଉପାନ୍ତ ଅଞ୍ଚଳ ଡୁମୁରିଆ ପଞ୍ଚାୟତ ଅଟେଇ ସଂରକ୍ଷିତ ଜଙ୍ଗଲ ନିକଟ ବିଲ ମଝିରେ ଶନିବାର ସାରେ ବୋମା ବିସ୍ଫୋରଣ ଘଟିଛି। ଏଥିରେ ଏକ କୁକୁରର ମୃତ୍ୟୁ ଘଟିଥିବା ବେଳେ ପ୍ରଚଣ୍ଡ ଶବ୍ଦରେ ଗ୍ରାମବାସୀ ଭୟଭୀତ ହୋଇଯାଇଥିଲେ। ସୂଚନାଯୋଗ୍ୟ, ଶନିବାର ସାରେ ଲୋକେ ଗାଈ ନେଇ ଘରକୁ ଫେରୁଥିବା ବେଳେ ଏକ କୁକୁର ପଡ଼ିଥିବା ବୋମାକୁ କାମୁଡି ଦେବାରୁ ବିସ୍ଫୋରଣ ଘଟିଥିଲା। ଖବରପାଇ ପାଟଣା ରେଞ୍ଜର ପବିତ୍ର ମୋହନ ନାୟକ ଓ ଫରେଷ୍ଟ ଗାର୍ଡ ପ୍ରଯୁକ୍ତା ଜେନା ଘଟଣାସ୍ଥଳ ଅନୁଧ୍ୟାନ କରିଥିଲେ। କେହି ଦୁର୍ବୃତ୍ତ ଜଙ୍ଗଲ ଜନ୍ତୁ ଶିକାର କରିବା ଉଦେଶ୍ୟରେ ବାମା ଖଞ୍ଜିଥିବା ବଳେ ଏଭଳି ଘଟଣା ଘଟିଥିବା ରେଞ୍ଜର ନାୟକ କହିଛନ୍ତି।