ସାଲେପୁର, ୮।୬(ଡି.ଏନ୍.ଏ.): ସାଲେପୁର ଥାନା ଅଧୀନ ବାରିଗୋଳ ଗ୍ରାମର ଓ୍ବାର୍ଡମେମ୍ବରଙ୍କ ଘର ଉପରେ ରବିବାର ବିଳମ୍ବିତ ରାତିରେ ବୋମାମାଡ଼ ହୋଇଛି। ଏଥିରେ ମୋକିମ୍ ଖାଁଙ୍କ ଘର କ୍ଷତିଗ୍ରସ୍ତ ହୋଇଥିବା ବେଳେ ଶାଶୁ ଆହତ ହୋଇଛନ୍ତି। ଦୁର୍ବୃତ୍ତମାନେ ତାଙ୍କ ଘର ଉପରେ ୨ଟି ବୋମାମାଡ଼ କରିଛନ୍ତି। ଫଳରେ ଘରର ୨ଟି ଝରକା ଓ ଫ୍ରିଜ ଭାଙ୍ଗି ରୁଜିଯାଇଛି। ଏନେଇ ଖଁା ଥାନାରେ ଲିଖିତ ଅଭିଯୋଗ କରିଛନ୍ତି। ଏମ୍ଜିଏନ୍ଆରଇଜିଏସ୍ରେ ଚାଲିଥିବା କାର୍ଯ୍ୟକୁ କେନ୍ଦ୍ର କରି ଏହି ଆକ୍ରମଣ ହୋଇଥିବା ନେଇ ସେ ଅଭିଯୋଗରେ ଦର୍ଶାଇଛନ୍ତି। ଏହି ଘଟଣାରେ ପୋଲିସ ଏକ ମାମଲା (ନଂ.୧୨୦/୨୧) ରୁଜୁ କରିଛି। ଅଭିଯୋଗ ଅନୁଯାୟୀ ଗ୍ରାମରେ ଏମ୍ଜିଏନ୍ଆରଇଜିଏସ୍ରେ ରାସ୍ତା ନିର୍ମାଣ କାମ ଚାଲଛି। ଏହାର ଦାୟିତ୍ୱ ମୋକିମ୍ଙ୍କୁ ଦିଆଯାଇଛି। ନିର୍ମାଣାଧୀନ ରାସ୍ତା ପାର୍ଶ୍ୱରେ ଥିବା ଜମିକୁ ନେଇ ଗ୍ରାମର ମିର୍ଜା ଇଜରା ବେଗ୍ଙ୍କ ସହ ତାଙ୍କର ବଚସା ହୋଇଥିଲା। ମୋକିମଙ୍କୁ ଇଜରାଙ୍କ ପୁଅ ବାଡ଼େଇବାକୁ ଶନିବାର ଧମକ ଦେଇଥିଲେ ବୋଲି ଅଭିଯୋଗପତ୍ରରେ ଉଲ୍ଲେଖ କରାଯାଇଛି। ଅଭିଯୋଗ ପରେ ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ କରିଛି। ଏଥିସହ ମିର୍ଜା ଇଜରାଙ୍କୁ ଥାନାରେ ଅଟକ ରଖି ପଚରାଉଚୁରା ଚଳାଇଛି।
