ଦୁବାଇ,୭।୧୦:ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ପେସର୍ ହର୍ଷଲ ପଟେଲ ଆଇପିଏଲ -୨୦୨୧ରେ ଏକ ରେକର୍ଡ ସୃଷ୍ଟି କରିଛନ୍ତି। ସେ ଏପର୍ଯ୍ୟନ୍ତ ଏକ ଲିଗ ସିଜନରେ ସର୍ବାଧିକ ଉଇକେଟ ନେଇଛନ୍ତି। ସେ ଟିମ ଇଣ୍ଡିଆର ଷ୍ଟାର୍ ପେସର୍ ଜସପ୍ରିତ୍ ବୁମ୍ରାଙ୍କୁ ପଛରେ ପକାଇଛନ୍ତି। ଆବୁଧାବିର ଶେଖ ଜାଏଦ ଷ୍ଟାଡିୟମରେ ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ ହର୍ଷଲ ପଟେଲ ଏହି ସଫଳତା ହାସଲ କରିଛନ୍ତି। ଏହି ସିଜିନ୍ରେ ମୋଟ ୨୯ ଉଇକେଟ ନେଇ ସେ ପର୍ପ କ୍ୟାପ୍ ନିଜ ପାଖରେ ରଖିଛନ୍ତି। ସେ ଏପର୍ଯ୍ୟନ୍ତ ମୋଟ ସିଜନରେ ସର୍ବାଧିକ ଉଇକେଟ ନେଇଥିବା ଭାରତୀୟ ବୋଲର ହୋଇପାରିଛନ୍ତି। ଏହାପୂର୍ବରୁ ଏହି ରେକର୍ଡ ବୁମରାଙ୍କ ନାମରେ ଥିଲା। ସେ ଗତ ସିଜନରେ ମୋଟ ୨୭ ଉଇକେଟ ନେଇଥିଲେ। ଏଥି ସହିତ ଭୁବନେଶ୍ୱର କୁମାର ୨୦୧୭ ସିଜନରେ ମୋଟ ୧୬ ଉଇକେଟ ନେଇଥିଲେ।
