ପାନ-ମସଲା, ଗୁଟ୍ଖା ହେଉ କି ସିଗାରେଟ୍ ସମସ୍ତ ମାଦକ ଦ୍ରବ୍ୟ ସ୍ବାସ୍ଥ୍ୟପକ୍ଷେ ହାନିକାରକ ବୋଲି ଡାକ୍ତରମାନେ ପରାମର୍ଶ ଦେଇଥାନ୍ତି। ମାତ୍ର ଅଧିକାଂଶ ଲୋକ ଏହା ଜାଣି ମଧ୍ୟ ମାଦକଦ୍ରବ୍ୟ ଖାଇବାରେ ଅଭ୍ୟାସ ରଖିଥାନ୍ତି। ଏମିତି କିଛି ଲୋକ ଅଛନ୍ତି ବିବାହ, ବ୍ରତ ଆଦି ମାଙ୍ଗଳିକ କାର୍ଯ୍ୟକ୍ରମରେ ଲୁଚି ଲୁଚି ଏସବୁ ଖାଇଥାନ୍ତି। ଯାହାକି ତାଙ୍କୁ ପରବର୍ତ୍ତୀ ମୁହୂର୍ତ୍ତରେ ମହଙ୍ଗା ପଡ଼ିଥାଏ। ସେମିତି ଏକ ଘଟଣା ଘଟିଛି ଏକ ବିବାହ ମଣ୍ଡପରେ।
ବିବାହ କରିବାକୁ ବର କନ୍ୟାଘରୁ ବରଯାତ୍ରୀ ସହ ଆସିଥିଲେ। ଏହା ପରେ ବିବାହ କାର୍ଯ୍ୟ ଆରମ୍ଭ ହୋଇଥିଲା। ବର ବେଦୀରେ ବସି ଲୁଚି ଗୁଟ୍ଖା ପ୍ୟାକେଟ୍ରୁ ବାହାର କରି ଖାଉଥିଲେ। ଏହା ଦେଖି ଶେଷରେ କନ୍ୟା ଆଉ ସହିପାରିଲେନି। ଏକ ଶକ୍ତ ଚାପୁଡ଼ା ବରଙ୍କ ଗାଲକୁ ମାରିଥିଲେ। ଏହା ଦେଖି ସେଠାରେ ଉପସ୍ଥିତ ଥିବା ଲୋକେ ଆଶ୍ଚର୍ଯ୍ୟ ହୋଇଥିଲେ। କଥା କ’ଣ ବୁଝିବା ବେଳକୁ ଗୁଟ୍ଖା ପାଇଁ ମାଡ଼ ଖାଇଲେ ବୋଲି ଜଣାପଡ଼ିଲା। ବର ବେଦୀରୁ ଉଠିଯାଇ ଗୁଟ୍ଖା କାଢ଼ି ଆସି ବେଦୀରେ ବସିଥିଲେ। ପରେ ବିବାହ ସମ୍ପନ୍ନ ହୋଇଥିଲା।