ବଲାଙ୍ଗୀର ଅଫିସ,୧୭ା୨: ବଲାଙ୍ଗୀର ସହର ବ୍ରାହ୍ମଣପଡ଼ାରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଛି। ବିବାହ ବେଦୀରେ ବସି ବୈଦିକ ରୀତିରେ ବିବାହ କରିବା ପରେ ନବବଧୂ ପ୍ରେମିକ ସହ ଚମ୍ପଟ ମାରିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି। ଏ ସଂକ୍ରାନ୍ତରେ ବର ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି।
ସୂଚନା ଅନୁଯାୟୀ, ବଲାଙ୍ଗୀର ଜିଲା ଦେଓଗଁା ଥାନା ମୁକୁନ୍ଦପୁର ଅଞ୍ଚଳର ଜଣେ ଯୁବକଙ୍କ ବଲାଙ୍ଗୀର ସହର ବ୍ରାହ୍ମଣପଡ଼ାରେ ବିବାହ ଉତ୍ସବ ଚାଲିଥିଲା। ପ୍ରାୟ ୭ ମାସ ପୂର୍ବରୁ ଉଭୟ ବର-କନ୍ୟାପକ୍ଷ ପାରମ୍ପରିକ ରୀତିରେ ବିବାହ ଲଗ୍ନ ସ୍ଥିର କରିଥିଲେ। ଫେବୃୟାରୀ ୧୬ ଗୁରୁବାର ବିବାହ ଲଗ୍ନ ବାହାରିଥିଲା। ମୁକୁନ୍ଦପୁରରୁ ବରଯାତ୍ରୀଙ୍କ ସହ ଫୁଲରେ ସଜାଯାଇଥିବା କାରରେ ବର ବଲାଙ୍ଗୀର ଆସି ପହଞ୍ଚତ୍ଥିଲେ। କନ୍ୟାପକ୍ଷ ଦେଇଥିବା ଜଳଖିଆ ଖାଇବା ପରେ ବରଯାତ୍ରୀ ରାତିରେ ବ୍ରାହ୍ମଣପଡା କନ୍ୟାଘରକୁ ଶୋଭାଯାତ୍ରାରେ ବାହାରିଥିଲେ। ଶୋଭାଯାତ୍ରା କନ୍ୟା ଘରେ ପହଞ୍ଚତ୍ବା ପରେ ବୈଦିକ ରୀତିରେ ବିବାହ ସମ୍ପନ୍ନ ହୋଇଥିଲା। ବରପକ୍ଷ ଦେଇଥିବା ଗହଣା ପିନ୍ଧି ନବବଧୂ ବିବାହ ବେଦୀରେ ସମ୍ପୃକ୍ତ ଯୁବକଙ୍କୁ ସାତଜନମର ସାଥୀ ଭାବେ ଗ୍ରହଣ କରିଥିଲେ। ବିବାହ ସରିଯିବା ପରେ ବରଯାତ୍ରୀମାନେ ଭୋଜି ଖାଇ ଫେରିଥିଲେ। ଶୁକ୍ରବାର ସକାଳେ ନବବିବାହିତାଙ୍କୁ ନେଇ ବର ନିଜ ଘରକୁ ଫେରିବା ସ୍ଥିର ହୋଇଥିଲା। ମାତ୍ର ବିଳମ୍ବିତ ରାତିରେ ଘର ଲୋକଙ୍କୁ ଚକ୍ମା ଦେଇ ନବ ବିବହିତା କନ୍ୟା ପ୍ରେମିକ ସହ ଏକ ବାଇକ୍ରେ ଫେରାର ହୋଇ ଯାଇଥିଲେ। ଏ କଥା ଜାଣିବା ପରେ ଖୋଜାଖୋଜି ଆରମ୍ଭ ହୋଇଥିଲା ା ହେଲେ ନବବଧୂ ଓ ତାଙ୍କ ପ୍ରେମିକାଙ୍କ ପତ୍ତା ମିଳି ନ ଥିଲା ା କେବଳ ସିସିଟିଭି ଫୁଟେଜ୍ରୁ ଜଣାପଡିଥିଲା, ନବବଧୂ ଜଣେ ବାଇକ୍ ଆରୋହୀଙ୍କ ସହ ଯାଉଛନ୍ତି। ଏହି ଘଟଣା ପରେ ବର ଟାଉନ୍ ଥାନାକୁ ଯାଇ ଘଟଣା ସମ୍ପର୍କରେ ଅଭିଯୋଗ କରିଥିଲେ। କନ୍ୟାଘର ପକ୍ଷରୁ ମଧ୍ୟ ଥାନାରେ ଏ ସମ୍ପର୍କରେ ଜଣାଇ ଦିଆଯାଇଛି। ବରପକ୍ଷରୁ କନ୍ୟାଙ୍କୁ ଦିଆଯାଇଥିବା ସମସ୍ତ ସୁନାଗହଣା ଧରି ନବବଧୂ ଫେରାର ମାରିଥିବା ଶିଶୁପାଳ ହୋଇଥିବା ବର ଗଣମାଧ୍ୟମକୁ କହିଛନ୍ତି। ଏହି ଘଟଣା ସହରବ୍ୟାପୀ ଚର୍ଚ୍ଚାର ବିଷୟ ହୋଇଥିଲା।