ଭାରତରେ ଏମିତି କେହି ନ ଥିବେ ଯାହାକୁ ଗୁପ୍ଚୁପ୍ ଭଲ ଲାଗୁ ନ ଥିବ। ପୁଅ ଝିଅ, ବଡଠୁ ଛୋଟ ସମସ୍ତଙ୍କର ପ୍ରିୟ ଗୁପ୍ଚୁପ୍। ଏଇ ଗୁପ୍ଚୁପ୍ ପାଇଁ ଦକ୍ଷିଣ ଭାରତର ଜଣେ ଯୁବତୀ କେତେ ପାଗଳୀ ତାହା ତାଙ୍କର ଏକ ଭିଡିଓରୁ ଜାଣିପାରିବେ। ଉକ୍ତ ଭାଇରାଲ ଭିଡିଓରେ ଦେଖିବାକୁ ମିଳେ, ଯୁବତୀଜଣକ ତାଙ୍କ ବିବାହ ଦିନ କନିଆ ବେଶ ହାଇ ବସିଥିବାବେଳେ ତାଙ୍କୁ ପିନ୍ଧାଯାଇଛି ଗୁପ୍ଚୁପ୍ର ହାର, ଆଉ ମୁଣ୍ଡରେ ଗୁପ୍ଚୁପ୍ର ମୁକୁଟ। କେବଳ ସେତିକି ନୁହେଁ ସେ ବସିଥିବା ସ୍ଥାନ ପାଖର ସାଜସଜ୍ଜା ବି ଗୁପ୍ଚୁପ୍ରେ ହୋଇଥିବା ଦେଖିବାକୁ ମିଳେ। ଗୁପ୍ଚୁପ୍ ପ୍ରିୟ ଏହି କନିଆଙ୍କ ନାମ ହେଉଛି ଅକ୍ଷୟା। ସେ ଏହି ହାର ଓ ମୁକୁଟରେ ବେଶ୍ ସୁନ୍ଦର ଦେଖାଯାଉଥିଲେ। ଆଉ ସେଠାକାର ପରିବେଶ ବେଶ୍ ମଜାଦାର ଥିଲା ବୋଲି ମଧ୍ୟ ଭିଡିଓଟିରୁ ଜଣାପଡୁଛି।