ଥରେ ମନେ ପକାନ୍ତୁ ନା, ସୁପରହିଟ୍ ଓଡ଼ିଆ ସିନେମା ‘କାବେରୀ’ର ସେହି ଶ୍ରୋତାଦୃଢ଼ ଗୀତ ‘ଆସିବ ବର ତୋର ହୋଇବ ବାହାଘର, ତା’ପରେ କି ହବ କହଲୋ’କୁ। ସେହି ଗୀତର ଏକ ଧାଡ଼ି ‘ଆସିବ ବର ତୋର’କୁ ନେଇ ନିର୍ମିତ ହେବାକୁ ଯାଉଛି ଏକ ନୂଆ ଓଡ଼ିଆ ସିନେମା। ମୁନ୍ ଟିଭି ବ୍ୟାନର ଏହି ଫିଲ୍ମଟିର ପ୍ରଯୋଜନା କରୁଛନ୍ତି ବିନ୍ନି ପଟ୍ଟନାୟକ ଏବଂ ସଚିକାନ୍ତ ଜେନା। ନିର୍ଦ୍ଦେଶନା ଭାର ସମ୍ଭାଳୁଛନ୍ତି ଏସ. ଦିଲୀପ ପଣ୍ଡା। ଚିତ୍ରନାଟ୍ୟ ସହ ସଂଳାପ ରଚନା କରିଛନ୍ତି ଡ. ରଜନୀ ରଞ୍ଜନ। ‘ଆସିବ ବର ତୋର’ ଫିଲ୍ମରେ ଅମ୍ଳାନ ନାୟକ ସାଜିଥିବା ବେଳେ ତାଙ୍କ ଅପୋଜିଟ୍ରେ ଅଛନ୍ତି ସ୍ବାତୀ। ‘ଅଟୋଗ୍ରାଫ-ଏ ସାଇନ୍ ଅଫ ଲଭ୍’ ପରେ ସ୍ବାତୀଙ୍କର ଏହା ହେଉଛି ଦ୍ୱିତୀୟ ସିନେମା। ଏହାର ଶୁଟିଂ ଆସନ୍ତା ମାସ ପ୍ରଥମ ସପ୍ତାହରୁ ଆରମ୍ଭ ହେବ ଏବଂ ଗୀତଗୁଡିକର ଶୁଟିଂ ହାଇଦ୍ରାବାଦସ୍ଥିତ ରାମୋଜୀ ଫିଲ୍ମ ସିଟିରେ ବୋଲି ଏହାର କ୍ରିଏଟିଭ୍ ହେଡ୍ ପ୍ରଣୟ ଜେଠୀ ସୂଚନା ଦେଇଛନ୍ତି।