ଆଜିକାଲି ବିବାହ ଋତୁ ଚାଲିଛି। ବିବାହର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ନିକଟରେ ବିବାହର ଏକ ମଜାଦାର ଭିଡିଓ ସାମ୍ନାକୁ ଆସିଛି। ଭିଡିଓରେ ଜଣେ ବର ପ୍ରଥମଥର କନ୍ୟାଙ୍କୁ ଦେଖି ଏମିତି ପ୍ରତିକ୍ରିୟା ଦେଇଥିଲେ,ଯାହା ସମସ୍ତଙ୍କ ଆଶ୍ଚର୍ଯ୍ୟ କରିଥିଲା।
ସାଧାରଣତଃ ବିବାହ ଦିନ ବର ହେଉ କି କନ୍ୟା, ସମସ୍ତେ ସୁନ୍ଦର ଦେଖାଯିବାକୁ ସ୍ବପ୍ନ ଦେଖନ୍ତି। ସମସ୍ତେ ଚାହାନ୍ତି ତାଙ୍କ ସ୍ବପ୍ନର ରାଜକୁମାର/ରାଜକୁମାରୀ ବିବାହ ଦିନ ସୁନ୍ଦର ଦେଖାଯାନ୍ତୁ। ଇଣ୍ଟରନେଟରେ ଭାଇରାଲ ହେଉଥିବା ଭିଡିଓରେ ବର ଜଣଙ୍କ ମଧ୍ୟ ନିଜ କନ୍ୟାଙ୍କୁ ଦେଖିବାକୁ ବହୁତ ଉତ୍ସାହିତ ଥାନ୍ତି। କନ୍ୟାକୁ ବିବାହ ମଣ୍ଡପକୁ ଆସିବା କ୍ଷଣକୁ ସେ ଉତ୍ସାହର ସହିତ ଅପେକ୍ଷା କରିଥାନ୍ତି। କନ୍ୟା ଆସିବା କ୍ଷଣି ବର ତାଙ୍କ ଓଢଣା କାଢି ଦେଖିବା ପରେ ଏମିତି ଲାଜେଇ ଯାନ୍ତି ତାହା ଦେଖି ଉପସ୍ଥିତ ଲୋକଙ୍କ ନଜର ଉଭୟଙ୍କ ଉପରେ ଅଟକି ଯାଏ। ବର କନ୍ୟାକୁ ଦେଖିବା ମାତ୍ରେ ନିଜକୁ ନିୟନ୍ତ୍ରଣ କରି ନ ପାରି ଖୁସିରେ ମଞ୍ଚରେ ନାଚିବା ଆରମ୍ଭ କଲା।
ଏହି ଭିଡିଓଟି ଇନଷ୍ଟାଗ୍ରାମରେ Garrysandhu_fan_club ନାମକ ଏକ ଆକାଉଣ୍ଟ ଦ୍ୱାରା ଅପଲୋଡ ହେବା ମାତ୍ରେ ଲୋକମାନେ ଏହାକୁ ବହୁତ ପସନ୍ଦ କରିଥିଲେ। ସାତ ଲକ୍ଷ ୪୨,୦୦୦ ରୁ ଅଧିକ ଲୋକ ଏହି ଭିଡିଓକୁ ପସନ୍ଦ କରୁଥିବାବେଳେ ଏହା ୧.୫ କୋଟିରୁ ଅଧିକ ଥର ଦେଖାଯାଇଛି।