ସାଧାରଣତଃ ବିବାହ ସ୍ଥିର ହେବା ପରେ ଝିଅମାନେ ବହୁତ ଭାବପ୍ରବଣ ହୋଇଯାନ୍ତି। ପରିବାର ଛାଡି ଶାଶୁଘରକୁ ଯିବାକୁ ସେମାନେ ସହଜରେ ଗ୍ରହଣ କରିପାରନ୍ତି ନାହିଁ। ବିବାହ ବିଦାୟ ସମୟ ଆସିବା କ୍ଷଣି କନ୍ୟା ନିଜ କୋହ ସମ୍ବରଣ କରି ନ ପାରି ପରିବାର ଲୋକଙ୍କ ଧରି କାନ୍ଦୁଥିବାର ଦେଖାଯାଏ। ନିକଟରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ କନ୍ୟା ନୁହେଁ, ବର କାନ୍ଦୁଥିବାର ଦେଖାଯାଇଛି।
ଇଣ୍ଟରନେଟରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳେ ଯେ କନ୍ୟା ନିଜ ବିବାହ ଦିନ ଖୁସିରେ ନାଚିବା ଆରମ୍ଭ କରନ୍ତି। କନ୍ୟାକୁ ଦେଖି ବର ଆଖିରେ ଲୁହ ଝରିଯାଏ। ଭାବପ୍ରବଣ ହୋଇ ବର ନିଜ ନଜରରେ କନ୍ୟାଙ୍କୁ ଚାହିଁ ରହିଥାନ୍ତି। କିଛି ସମୟ ଦେଖିବା ପରେ ସେ କାନ୍ଦିବାକୁ ଲାଗିଥିଲେ । ବରର ସାଙ୍ଗମାନେ ତାଙ୍କୁ କାନ୍ଦୁଥିବା ଦେଖି ତାଙ୍କ ନିକଟକୁ ଆସି ତାଙ୍କୁ ହସେଇବାକୁ ଚେଷ୍ଟା କରିବାକୁ ଲାଗିଲେ। ହଠାତ୍ ତାଙ୍କୁ କାନ୍ଦୁଥିବାର ଦେଖି କନ୍ୟା ବୁଝାଇବା ପାଇଁ ହାତ ଧରି ନାଚିଥିଲେ। ଏହା ଦେଖି ସେଠାରେ ଠିଆ ହୋଇଥିବା ଲୋକଙ୍କ ମୁହଁରେ ହସ ଆସିଯାଇଥିଲା। ଇଣ୍ଟରନେଟରେ ଭାଇରାଲ ହେଉଥିବା ଏହି ଭିଡିଓକୁ ଲୋକମାନେ ବହୁତ ପସନ୍ଦ କରିଛନ୍ତି। ଏହି ଭିଡିଓ ଇନଷ୍ଟାଗ୍ରାମରେ ଭିଟି ୱେଡିଂ ନାମକ ଏକ ଆକାଉଣ୍ଟ ଦ୍ୱାରା ଅପଲୋଡ ହେବା ମାତ୍ରେ ଲୋକମାନେ ଏହାକୁ ବହୁତ ପସନ୍ଦ କରିଥିଲେ। ଏହି ଭିଡିଓକୁ ୧୧ ହଜାରରୁ ଅଧିକ ଲୋକ ପସନ୍ଦ କରିଥିବାବେଳେ ଏହା ପ୍ରାୟ ଏକ ଲକ୍ଷ ଥର ଦେଖାଯାଇଛି।
