ବାହାଘରେ କନ୍ୟାଙ୍କ ଭଉଣୀ ଓ ବାନ୍ଧବୀମାନଙ୍କର ଏକ ଅଲଗା ସ୍ଥାନ ଥାଏ। ବାହାଘରକୁ ମଜାଦାର ଓ ମସ୍ତିଭରା କରିବାରେ ଏମାନଙ୍କ ଭୂମିକା ଅଧିକ। ବର ଓ ବରର ସାଙ୍ଗମାନେ ଏମାନଙ୍କ ସହ ଥଟ୍ଟାମଜା କରିବା ଯେମିତି ପରମ୍ପରା ପାଲଟି ଗଲାଣି। ବିବାହରେ କନ୍ୟାର ଭଉଣୀ ଓ ବାନ୍ଧବୀମାନଙ୍କୁ ନେଇ କିଛି ପରମ୍ପରା ବି ଜଡ଼ିତ ଅଛି। ଯାହା ମଜାଦାର ହେବା ସହ କନ୍ୟାର ସଖୀମାନେ ଓ ଭଉଣୀ ମୋଟା ଅଙ୍କର ଟଙ୍କା, ପୋଷାକ ବି ପାଇଥାଆନ୍ତି। ଆଉ ଯଦି କନ୍ୟାର ବାନ୍ଧବୀ ନ ଥିବେ, ତେବେ ବାହାଘର ପୂରା ମାନ୍ଦା ହେଇଯାଏ। ତେଣୁ ଯେଉଁ କନ୍ୟାଙ୍କର ବାନ୍ଧବୀ ନାହାନ୍ତି, ସେମାନେ ମନଦୁଃଖ କରିବାର ଆବଶ୍ୟକତା ନାହିଁ। କାରଣ ଆଜିକାଲି ଭଡ଼ାରେ ବାନ୍ଧବୀ ପାଇବାର ସୁବିଧା ଉପଲବ୍ଧ ହେଲାଣି। ସେମାନେ କନ୍ୟାଙ୍କ ବାନ୍ଧବୀ ସାଜି ବାହାଘରକୁ ଯାଇ ଏକ ଖୁସିର ମାହୋଲ ତିଆରି କରିବେ। ଆଉ ତା’ ବଦଳରେ ପାଇବେ ମୋଟା ଅଙ୍କର ଅର୍ଥ। ତା’ସହ ବିବାହରେ ପିନ୍ଧିବା ପାଇଁ ସୁନ୍ଦର ସୁନ୍ଦର ପୋଷାକ ବି ମିଳିବ। ଏବେ ଆମେରିକାରେ ଏହି ଚଳଣି ଆରମ୍ଭ ହୋଇଛି।