ହାଇଦ୍ରାବାଦ୍,୨୪ା୪:ତେଲଙ୍ଗାନାର ପେଦ୍ଦାପଲ୍ଲୀରେ ସୋମବାର ରାତି ୯ଟା ୪୫ରେ ଏକ ନିର୍ମାଣାଧୀନ ବ୍ରିଜ୍ ପବନକୁ ସମ୍ଭାଳି ନ ପାରି ଭୁଶୁଡ଼ିପଡ଼ିଛି। ଉକ୍ତ ବ୍ରିଜ୍ର ଏକ ଅଂଶ ଭାଙ୍ଗିଯାଇଛି। ୧୦୦ ଫୁଟ୍ ଉଚ୍ଚତାର ଏହି ବ୍ରିଜ୍ ତଳେ ୨ଟି ପିଲାର ଥିବାବେଳେ ୫ଟି ସ୍ଲାବ୍ ରହିଥିଲା। ରାତିରେ ହଠାତ୍ ପବନ ହେବାରୁ ୨ଟି ବ୍ରିଜ୍ ଭାଙ୍ଗିଯାଇଥିଲା। ଅବଶିଷ୍ଟ ୩ ସ୍ଲାବ ମଧ୍ୟ ଖୁବ୍ଶୀଘ୍ର ଭାଙ୍ଗିଯିବ ବୋଲି ସ୍ଥାନୀୟ ଲୋକେ ଆଶଙ୍କା ବ୍ୟକ୍ତ କରିଛନ୍ତି। ତେବେ ବ୍ରିଜ୍ ଭୁଶିଡ଼ିବାର ୧ ମିନିଟ ପୂର୍ବରୁ ଏହା ତଳ ମାଟିରାସ୍ତା ଦେଇ ଏକ ବରଯାତ୍ରୀ ବସ୍ ଯାଇଥିଲା। ବସ୍ରେ ୬୦ ବରଯାତ୍ରୀ ଥିଲେ। ମାନାଇର ନଦୀ ଉପରେ ନିର୍ମିତ ଏହି ବ୍ରିଜ୍ ପାଇଁ ୨୦୧୬ରେ ୪୯ କୋଟି ଟଙ୍କା ମଞ୍ଜୁର ହୋଇଥିଲା। ସ୍ଥାନୀୟ ବିଧାୟକ ତଥା ତେଲଙ୍ଗାନା ବିଧାନସଭା ବାଚସ୍ପତି ଏସ୍. ମଧୁସୂଦନ ଚାରୀ ଏହାର ଶୁଭଦେଇଥିଲେ। ବର୍ଷେ ଭିତରେ ଏହାର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରିବାକୁ ଲକ୍ଷ୍ୟ ରଖାଯାଇଥିଲା। ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇଥିଲେ ତେଲୁକୁମଣ୍ଡାର ଗମ୍ଭୀରାପଲ୍ଳୀ ଏବଂ ପେଡ୍ଡାପାଲିର ଗମ୍ଜଭି ଅନ୍ତର୍ଗତ ପନତ୍ଭୂପାପାଲ ଏବଂ ଓଡଠି ମଧ୍ୟରେ ପ୍ରାୟ ୫୦ କି.ମି. ଦୂରତା ହ୍ରାସ ପାଇଥା’ନ୍ତା। ତେବେ ସରକାରୀ ଚାପ ଯୋଗୁ ଠିକାଦାର ବ୍ରିଜ୍ ନିର୍ମାଣ କାର୍ଯ୍ୟ ବନ୍ଦ କରିଦେଇଥିଲେ।