ଫୁଲବାଣୀ ଅଫିସ,୯।୫: ଗଞ୍ଜେଇ ଚାଲାଣର ନୂଆ ଉପାୟ। ଆମ୍ବୁଲାନ୍ସରେ ହେଉଥିଲା ଚାଲାଣ। ଏପରି ଘଟଣା ଘଟିଛି କନ୍ଧମାଳ ଜିଲା ଫୁଲବାଣୀରେ।
ଖବରପାଇ ଅବକାରୀ ଟିମ୍ ଖଜୁରୀପଡା ବ୍ଲକ ରାଣୀପଥର ଘାଟିରେ ଜଗି ରହିଥିଲା। ସେଠାରେ ଅଧିକାରୀମାନେ ଆମ୍ବୁଲାନ୍ସକୁ ଅଟକାଇ ଯାଞ୍ଚ ବେଳେ ସେଥିରୁ ୭୫ କେଜି ଗଞ୍ଜେଇ ଜବତ କରିଥିଲେ। ଏହି ଘଟଣାରେ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ସେ ହେଲେ ଅନୁଗୋଳ ବାଲିପଟା ଅଞ୍ଚଳର ପ୍ରହଲ୍ଲାଦ ବେହେରା। ଡ୍ରାଇଭର ଚିକୁ ବେହେରା ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ସେ ଅନୁଗୋଳ ଜିଲା ହଣ୍ଡାପା ଥାନା ଅଞ୍ଚଳର ବୋଲି ଜଣାପଡିଛି।